EKSPO-nyń qaýipsizdigin qamtamasyz etken OQO polıtseıleri marapattaldy

ShYMKENT. QazAqparat - «EKSPO-2017» halyqaralyq kórmesiniń qaýipsizdigin qamtamasyz etken Ońtústik Qazaqstan oblysynyń polıtseıleri marapattaldy. Departament bastyǵy Janat Súleımenov kórme barysynda quqyqtyq tártipti qamtamasyz etýde adal qyzmet atqarǵan 9 qyzmetkerge QR ІІM Alǵys hattary men Qurmet gramotalaryn tapsyrdy, dep habarlaıdy QazAqparat HAA tilshisi.

OQO ІІD Jergilikti polıtsııa qyzmetiniń bólimshe bastyǵy polıtsııa podpolkovnıgi Ámirhan Bekmyrzaevqa «polıtsııa polkovnıgi» ataǵy berildi. Al Jergilikti polıtsııa qyzmeti bastyǵynyń orynbasary polıtsııa polkovnıgi Nurjan Abdramanov «Quqyqtyq tártipti qamtamasyz etýde úzdik shyqqany úshin» medalimen marapattaldy. Sondaı-aq, Janat Súleımenov óz atynan «Qazaqstan polıtsııasyna 25 jyl» medalimen 26 polıtsııa qyzmetkerin marapattady. 17 polıtsııa qyzmetkeriniń tártiptik sharasy merziminen buryn alyndy.

Jıynda ishki ister organdary ardagerleriniń jas qyzmetkerlerdi ıdeıalyq-patrıotttyq tárbıeleýde úles qosyp, polıtsııaǵa belsendi kómek kórsetip júrgen 10 aýǵan soǵysynyń ardageri «Qazaqstan polıtsııasyna 25 jyl» merekelik medalimen marapattaldy.