EKSPO «Qytaı-Eýrazııa» kórmesinde qazaqstandyq ónimder qalbyrdaǵy taǵamdar, kámpıtter jáne maılyq qaǵazdar túrinde qoıyldy
«Rahat» AQ shyǵaratyn belgili qazaqstandyq brendterden basqa, EKSPO «Qytaı-Eýrazııa» úshinshi kórmesine Oral jáne Pavlodardan kelgen jeke kásiporyndar da óz ónimderin usyndy.
Oraldyq «Kýbleı» kompanııasynyń ókili Ásel Isalıeva, ózderiniń 100-den asa ónim túrlerin shyǵaratyndyǵyn, negizinen olar et jáne qalbyrdaǵy balyq ekendigin aıtty. «Osy kórmege biz birinshi ret kelip otyrmyz, áriptester taýyp Qytaı naryǵyna shyqpaq oıymyz bar. Kelýshiler bizdiń ónimderimizge qyzyǵýshylyq bildirip, dámin tatyp kórdi, olarǵa unady degen oıdamyz», - dep atap ótti menedjer.
«Kazakhstan Project» kompanııasynyń dırektory pavlodarlyq Qýanysh Qabıdenov, onyń kásiporny tazalyq qaǵazdaryn óndirýmen aınalysatyndyǵyn aıtty. Onyń sózi boıynsha baǵalary óte tıimdi, sondyqtan da Qytaı naryǵyna, ásirese, Shyńjanǵa shyǵý josparlary bar.
«Rahat» AQ dırektorynyń marketıng jónindegi orynbasary Álibek Tájibaev, bizdiń kompanııa osymen úshinshi ret osy kórmege qatysyp otyr, al jergilikti halyqtyń «Rahat» AQ ónimderine qyzyǵýshyǵy zor, dep atap ótti.
«Bizdiń aldymyzda turǵan eń basty másele, Qytaı naryǵynda tolyq qandy dıstrıbýtsııa jasaý. Biz munda 10 jyldan asa ýaqyt jumys jasap kelemiz, orta eseppen, aıyna bir vagon tátti taǵamdar satamyz» - dep habarlady ol.
Kórmege jekemenshik qazaqstandyq kompanııalarmen birge, Qazaqstannyń iri kólik-logıstıkalyq kompanııalary jáne «Qorǵas» shekara mańy yntymaqtastyǵy halyqaralyq ortalyǵy» qatysty.
Halyqaralyq kórmege Qazaqstanmen birge, 49 eldiń kásiporyndary, 6 halyqaralyq uıym jáne 10 ultaralyq korporatsııa qatysyp otyrǵandyǵyn esterińizge salamyz. Kórmeniń qorytyndysy boıynsha, jalpy somasy 9,24 mlrd. dollar bolatyn kelisim-sharttar jasalady dep kútilýde.
