EKSPO kórmesiniń ashylýyna Serbııa prezıdenti keledi dep kútilýde

ASTANA. QazAqparat - EKSPO-2017 halyqaralyq kórmesiniń ashylý saltanatyn Serbııa Prezıdenti Aleksandr Výchıch keledi dep kútilýde. Bul týraly búgin Aqordada birqatar shet memlekettiń Tótenshe jáne Ókiletti Elshisinen senim gramotasyn qabyldaǵan QR Prezıdenti Nursultan Nazarbaev málim etti, dep habarlaıdy QazAqparat.

«Serbııa Respýblıkasymen qarym-qatynasymyz júıeli damyp kele jatqanyn bilesizder. Saıası dárejede óte úlken yntymaqtastyq jáne senim bar. Prezıdent Aleksandr Výchıchpen jaqyn arada kezdeskenmin. EKSPO-nyń ashylýyna keledi dep kútip otyrmyz», - dep atap ótti Qazaqstan Prezıdenti.

Sonymen qatar Memleket basshysy  Qazaqstan men Serbııa baılanysyn nyǵaıtýǵa sońǵy eki jylda joǵary deńgeıde ótken saparlar tyń serpin bergenin basa aıtty.

«Ekijaqty saıası dıalog pen saýda-ekonomıkalyq yntymaqtasty damytýdyń áleýeti óte zor. Astana EKSPO-2017 kórmesiniń  ashylý saltanatyna sizderdiń prezıdentterińizdiń  kelýin kútemiz dep taǵy da aıtqym keledi», - dedi Elbasy Serbııa Elshisine qarata.