EKSPO-qalashyq páterlerin satý nelikten toqtatylǵany belgili boldy

ASTANA. QazAqparat - EKSPO-qalashyq páterlerin satý tetikterine ózgertýler engizildi. Bul týraly búgin Úkimet úıinde ótken baspasóz máslıhatynda QR Indýstrııa jáne ınfraqurylymdyq damý vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Báıterek devolopment» holdıngi atalǵan páterlerdiń menshik ıesi sanalady. Buǵan deıin olar páterlerdi ashyq satylymǵa shyǵarǵan bolatyn. Jyljymaıtyn múlik qunynyń barynsha joǵary bolýyn baılanysty adamdar kelip, birden esep aıyrysýy úshin birrettik ashyq satylym jasaldy. Alaıda jappaı satylym oryn alǵan joq. Sondyqtan qazirgi ýaqytta «Báıterek development» atalǵan páterlerdi satý tetikterin qaıta qarastyrdy», - dedi ol.

Onyń aıtýynsha, holdıng taıaý arada baspasóz máslıhatyn ótkizip, páterlerdi satý tetikterin jarııa etedi.

«Olardyń aldyn ala aıtýynsha, 12 jylǵa úsh paıyzben berilmek. Alǵashqy jarna - 20 paıyz. ıAǵnı, olar da sharttaryn «7-20-25» baǵdarlamasyna sáıkestendirip otyr. Qazaqstannyń barlyq bankteri, barlyq salymshylar qatysa alady. Olar ázirshe osylaı josparlap otyr», - dedi Qaıyrbek Óskenbaev.

Buǵan deıin «Báıterek development» Astanadaǵy EKSPO aýmaǵyndaǵy páterlerdi satyp alýǵa ótinishterdi qabyldaý ýaqytsha toqtatylǵanyn habarlaǵan bolatyn.