EKSPO qalashyǵyndaǵy páterlerdi satyp alýǵa ótinishter qabyldanady
NUR-SULTAN. QazAqparat - 30 naýryzda EKSPO aýmaǵynda ornalasqan turǵyn úılerdi satyp alý jóninde ótinishterdi qabyldaýdy bastaıdy, dep habarlaıdy QazAqparat.
EKSPO aýmaǵyndaǵy turǵyn úılerdi páter baǵasynyń aldyn ala 20 paıyzdyq jarnasyn tóleý arqyly 3 jyldyq ústemaqymen 12 jylǵa bólip tóleý júıesi boıynsha satyp alýǵa bolady. Bólip tóleý júıesi kólik turaǵyn alýǵa qoldanylmaıdy. Atalmysh mehanızm aıasynda tek 1 páter alý shart jáne júıe ótinish berýshiniń 70 jasyna deıin shektelgen.
Bólip tóleý arqyly satyp alýshy kelesideı mindetterdi oryndaýy tıis:
1) Digital Baiterek portalynda https://digital.baiterek.gov.kz/register siltemesine kirip, aldyn ala tirkelip, esep jazbasyn qurý kerek;
2) 2019 jyldyń 30 naýryzynda saǵat 15-00-de https://expo.baiterek.gov.kz saıtyna kirip, onlaın júıesinde páterdi tańdap, brondaý qajet. Brondaý, ótinish berý men resimdeý kezinde qatelikterdi boldyrmaý maqsatynda Google Chrome braýzerin qoldanýǵa keńes beriledi;
3) Páter tańdalyp, bron jasalǵannan keıin ótinish berýshi Digital Baiterek portalynynyń avtomattandyrý paraqshasyna avtomatty túrde qaıta baǵyttalady. Munda ótinish berýshi óziniń logıni men qupııa sózin esep jazbasyna engizýi shart. Osydan satyp alynatyn páterge alǵashqy tólenetin jarnany kórsetý arqyly ótinishti toltyryp, qaıta qaraýǵa jiberedi. Ótinishti resimdep páterdi brondaý kezinen bastap 30 mınýt ýaqytta jiberý qajet;
4) Ótinish jiberilgennen keıin ótinish berýshiniń jeke kabınetine 2 kúnnen keıin qarjylyq múmkindigińizdi baǵalaý boıynsha 5000 teńgeni tóleý týraly habarlandyrý jóneltiledi. Ótinish berýshi tólem jasap, túbirtektiń kóshirmesin habarlandyrý merzimenen keıin 3 jumys kúni ishinde jeke kabınet arqyly keri jiberýi kerek.
5) Anyqtaý servısi arqyly ótinish berýshi óziniń uıaly telefonynnyń nómirin rastaýy qajet. Ol úshin ótinish berýshi óziniń jeke kabınetinde «Nómirdi rastaý» tetigin basyp, sodan keıin ótinishte kórsetilgen nómirge SMS-habarlama jiberiledi. Odan kelgen málimetterdi jeke kabınetke engizý mindetti;
6) Qarjylyq múmkindigińizdi baǵalaý jóninde tólem jasalǵannan keıin ótinish berýshiniń jeke kabınetine qarjylyq mumkindikti tekserýge qatysty habarlama keledi.
Biryńǵaı zeınetaqy qoryna mindetti zeınetaqy jarnalaryn tóleýden bosatylǵan jáne arnaıy ataqqa quqyly tulǵalar, sondaı-aq memlekettik feldegerlik qyzmetti, arnaıy memlekettik jáne quqyq qorǵaý organdarynyń qyzmetkerleri áskerı qyzmetkerler sanatyna kiretin ótinish berýshi (jubaılary) «Báıterek development» AQ-qa qosymsha kelesideı qujattardy usyný kerek: jumys ornynan anyqtama, tóleý sharalary kórsetilgen (ekinshi deńgeıli bank, kassa arqyly) 6 aı ishinde alǵyn eńbekaqy jóninde anyqtama, ekinshi deńgeıli bankten tólem júrgizilgen jaǵdaıda 6 aı ishinde alǵan eńbekaqysynyń kórsetkishi týraly ekinshi deńgeıli bankten kartochkalyq esebi bar kóshirme.
«Ótinish berýshi mindetti túrde qarjylyq múmkindigi jóninde baǵalaý qyzmetinen ótip, nátıjesin jeke kabınet arqyly «Báıterek development» AQ meken-jaıyna jiberýi shart. Qarjylyq múmkindik rastalǵannan keıin ótinish berýshiniń jeke kabınetine ótinishte kórsetilgen alǵashqy jarnany tóleý týraly habarlama keledi. Habarlama kelgen kúnnen bastap ótinish berýshi tólem júrgizip, túbirtektiń kóshirmesin 5 kún ishinde jeke kabıneti arqyly jiberýi qajet. Birinshi jarnany tólegennen soń ótinish berýshi satyp qabyldap alý-tapsyrý men satyp alynǵan jyljymaıtyn múlikke kepildik jóninde kelisimshart jasasady. Kelimshartqa qol qoıǵan kúnnen bastap 3 kún ishinde «Báıterek development» AQ shotyna 3 aılyq mólsherdegi kepildik jarnany jiberip jáne birinshi aılyq tólemin júrgizý kerek. Bólip tóleý merziminde satyp alynǵan páterdi saqtandyryp, alyp-tapsyrý aktisi boıynsha qabylaý qajet», - delingen «Báıterek development» kompanııanyń habarlamasynda.
EKSPO aýmaǵyndaǵy turǵyn úı kesheninen páterdi satyp alý jóninde qosymsha aqparat alý úshin Call-ortalyǵyna (8 800-080-01-01) habarlasýǵa bolady.
