EKSPO-ǵa kelgen Kongo azamatshasy eline qaıta almaı júr
ASTANA. QazAqparat - Astanaǵa qydyryp kelgen kongolyq Monıka Kamganza týǵan jerine orala almaı júr, dep habarlaıdy QazAqparat «Habar 24» telearnasyna silteme jasap.
Málim bolǵandaı, Monıka Qazaqstanǵa byltyr EKSPO kórmesine kelgen. Osynda er azamatpen tanysyp, biraz ýaqyttan keıin onymen qarym-qatynasyn úzgen. Qazir qolynda kishkentaı sábıi bar. Al vıza merzimin uzartý kerektigin bilmegen. Osylaısha, qazir ol úı-kúısiz qalyp otyr. Onyń ústine, kongolyq azamatshanyń tek frantsýz tilinde sóıleýi onymen tildesýdi qıynǵa soqtyrýda.
Kámelettik jasqa tolmaǵandar jónindegi ınspektsııa Monıkany áleýmettik-quqyqtyq qorǵaý ortalyǵyna jibergen. Olar sábıdiń ómirge kelýine kómektesken.
«Eger mıgratsııalyq polıtsııa ony vızalyq rejımdi buzǵany úshin elden ketýge májbúrlese, onyń jolaqysyn eshkim de óteı almaıdy. Bul úlken qarajat, al azamatshanyń bir tıyny da joq. Ol Qazaqstanda qalýǵa kómek surap otyr. Munyń joly bar. Biri - yqtııarhat alý. Alaıda onyń esepshotynda 3 mln teńgesi bolýy tıis. Ne bosqyn mártebesin alý. Bul da kúrdeli másele», - deıdi qor dırektory Anna Ryl.
