EKSPO-da saıabaq aýmaǵy qaıta ashylady
ASTANA. QazAqparat - EKSPO aýmaǵynda pavılondardy qaıta qurý ǵana emes, sonymen qatar kórme kesheniniń saıabaq aımaǵyn abattandyrý jáne kógaldandyrý boıynsha aýqymdy jumystar júrgizilýde. Bul týraly QazAqparat kompanııanyń baspasóz qyzmetine silteme jasap habarlaıdy.
Búgin «Astana EKSPO-2017» UK qyzmetkerleri «Biz taza astana úshin!» qalalyq senbilik aıasynda saıabaqqa 300 kóshet otyrǵyzdy. Bul sharaǵa 30 birlik arnaıy tehnıka jumyldyryldy. Osylaısha ulttyq kompanııa EKSPO aýmaǵynda elorda turǵyndary men qonaqtaryna yńǵaıly bolý úshin barlyq jaǵdaıdy jasaýda, sondaı-aq Astananyń jasandy jasyl beldeýin damytýǵa aıtarlyqtaı úles qosady.
EKSPO saıabaǵy Táýelsizdik monýmenti jaǵynan jalǵastyrylady. Jaqyn arada ýaqytsha turǵyzylǵan ǵımarattar ornyna, atap aıtqanda, Dıý Soleı tsırki, Shell pavılony ornyna, jelekjol jáne múmkindikteri shekteýli erekshe balalarǵa arnalǵan biregeı oıyn alańy, otty shoý elementteri bar sýburqaq, sondaı-aq qoǵamdyq tamaqtaný beketteri ashylady.
Budan ózge, Astananyń 20 jyldyldyǵyn merekeleýge jáne jaz-kúz maýsymynda «Astana EKSPO-2017» UK-y mádenı-oıyn-saýyqqa toly baǵdarlama ázirleýde.
