EKSPO-da 1 myń kólikke arnalǵan jerasty turaq jumys isteıdi

ASTANA. QazAqparat - EKSPO-2017 aýmaǵynda 1 000 orynǵa arnalǵan jerasty avtoturaǵy jumys isteýde, dep habarlaıdy QazAqparat «Astana EKSPO-2017» UK» AQ-nyń Qoǵammen baılanys departamentine silteme jasap. 

Jerasty kólik turaǵy táýlik boıy jumys isteıdi. Turaqqa T.Rysqulov kóshesi jaǵynan (ońtústik kirý toby) kirip, shyǵýǵa bolady. EKSPO avtoturaǵyn alǵashqy 3 saǵatta tegin paıdalanýǵa bolady, al keıingi ár saǵaty úshin 100 teńgeden.

Esterińizge sala keteıik, EKSPO-2017 aýmaǵynda ornalasqan jerasty avtoturaǵy 2017 jyly 10 qarashadan bastap iske qosyldy. Eki aı ishinde EKSPO avtoturaǵy 18 myńǵa jýyq kólikke qyzmet kórsetken.