EKSPO aýmaǵyndaǵy turǵyn úılerdi satý taǵy da toqtatyldy
NUR-SULTAN. QazAqparat - «Báıterek development» AQ EKSPO aýmaǵynda ornalasqan páterlerdi satý taǵy da toqtatylǵanyn habarlady.
Bul joly páterlerdi satýdy toqtata turýǵa «ARTA Software» JShS baǵdarlamalyq qamtamasyz etý qyzmetinde kedergilerdiń týyndaýy sebep boldy.
«EXPO Residence turǵyn úılerindegi páterlerdi onlaın satý úshin atalǵan portaldy jasaýshy «ARTA Software» JShS-men kelisim jasalǵan. Qazirgi tańda «ARTA Software» kedergilerdi joıý úshin barlyq amaldardy jasap jatyr» delingen habarlamada.
EXPO Residence aýmaǵyndaǵy páterlerge suranystyń joǵarylyǵyna baılanysty «Baıterek development» qujat qabyldaýdyń alternatıvti túrlerin de qarastyryp kórmek.
«Kompanııa keltirilgen yńǵaısyzdyqtar úshin keshirim suraıdy. Satý jumysy bastalatyn jańa data qaıta habarlanady», - dep málimdedi kompanııa ókileri.
Eske sala ketsek, satyp alýshy páterdi qolma-qol aqshaǵa nemese ıpoteka resimdeý arqyly alý múmkindigine ıe. Engizilgen jańa mehanızm boıynsha 20% bastapqy jarnany tóleý arqyly 12 jylǵa 3 paıyzdyq ústemaqymen alýǵa bolady. Bólip tóleý arqyly satyp alýshy tek 1 páterderdi satyp ala alady. Kólik turaǵyn satyp alý atalmysh júıege kirmeıdi.
EKSPO qalashyǵyndaǵy páterlerdiń kólemi 39,6-dan -123,4 sharshy metrge deıin bir, eki, úsh jáne tórt bólmeli páterlerdi satyp alýǵa bolady. Baspanalar ІІ sanattaǵy bıznes jaılylyqqa sáıkes jáne taza árlengen. Bir sharshy metrdiń baǵasy 399 900 tengeni, al kólik turaǵy 735 000 teńgeni quraıdy.
Ótinish berý úshin kez kelgen azamat eń aldymen Digital Baiterek saıtynda tirkelýi kerek.
Ótinish berý úshin qajetti aqparattyń tolyq nusqasyn myna siltemege ótý arqyly tanysýǵa bolady.
