EKSPO aýmaǵyndaǵy turǵyn úılerdi satý boıynsha ótinishterdi qabyldaıtyn kún bekitildi
ASTANA. QazAqparat - «Báıterek development» AQ 2019 jyldyń 30 naýryzynda saǵat 15-00-den bastap EKSPO aýmaǵynda ornalasqan páterlerdi satyp alý boıynsha ótinishterdi qabyldaý naýqanynyń bastalatyndyǵyn habarlady.
Páterlerdi tańdaý men brondaý qyzmeti myna saıtta onlaın rejımde júzege asyrylady.
«Búgingi tańda oryn alǵan barlyq tehnıkalyq kederliger joıyldy. Ótinishterdi qabyldaý kezinde aqparattyq júıede eshqandaı ahaýlyqtardy boldyrmaý úshin arnaıy saqtyq sharalary qoldanyldy. Sonymen qatar suranystar men jumys kúnderi halyqtyń qoldarynyń bosamaýyn negizge ala otyra, ótinishterdi qabyldaý merzimin demalys kúnine aýystyryp otyrmyz»,-dedi Basqarma Tóraǵasynyń orynbasary Asqarbek Óserbaev.
Eske sala ketsek, satyp alýshy páterdi qolma-qol aqshaǵa nemese ıpoteka resimdeý arqyly alý múmkindigine ıe. Engizilgen jańa mehanızm boıynsha 20% bastapqy jarnany tóleý arqyly 12 jylǵa 3 paıyzdyq ústemaqymen alýǵa bolady. Bólip tóleý arqyly satyp alýshy tek 1 páterderdi satyp ala alady. Kólik turaǵyn satyp alý atalmysh júıege kirmeıdi.
EKSPO qalashyǵyndaǵy páterlerdiń kólemi 39,6-dan -123,4 sharshy metrge deıin bir, eki, úsh jáne tórt bólmeli páterlerdi satyp alýǵa bolady. Baspanalar ІІ sanattaǵy bıznes jaılylyqqa sáıkes jáne taza árlengen. Bir sharshy metrdiń baǵasy 399 900 tengeni, al kólik turaǵy 735 000 teńgeni quraıdy.
Ótinish berý úshin kez kelgen azamat eń aldymen Digital Baiterek saıtynda tirkelýi kerek.
Ótinish berý úshin qajetti aqparattyń tolyq nusqasyn myna siltemege ótý arqyly tanysýǵa bolady.
Foto: inbusiness.kz
