EKSPO aýmaǵyndaǵy páterler: Kimder satyp ala alady
ASTANA. QazAqparat - EKSPO aýmaǵyndaǵy úılerdi kimder satyp alyp jatyr? Bul suraqqa OKQ-da ótken baspasóz máslıhatynda «Báıterek development» AQ basqarma tóraǵasynyń orynbasary Asqarbek Óserbaev jaýap berdi, dep habarlaıdy QazAqparat tilshisi.
«Áý basta EKSPO aýmaǵyndaǵy turǵyn úılerdi satýdyń eki mehanızmin ǵana qarastyrǵan edik. ıAǵnı, tikeleı satý jáne ekinshi deńgeıli bankter arqyly ıpotekamen satý tetikterin engizgen bolatynbyz. Biraq, satylym júrgizilgen 7 aıdyń ishinde aıtarlyqtaı kóp suranys túse qoıǵan joq. 7 aıda barlyǵy 148 páter ǵana satyldy. Buryn da aıtqanymyzdaı, ulttyq qorǵa aqshany qaıtarý kerek bolǵandyqtan, jańa satyp alýshylardy tartý úshin biz osy jańa mehanızmdi iske qosyp otyrmyz. Osylaısha, kóbirek klıentti tartqymyz keledi», - dedi OKQ-da ótken baspasóz máslıhatynda «Báıterek development» AQ basqarma tóraǵasynyń orynbasary Asqarbek Óserbaev.
Kompanııa ókiline sonymen birge atalmysh úılerdi kimder satyp alýy múmkin ekeni týraly suraq qoıyldy.
«Bizdiń oıymyzsha, EKSPO aýmaǵyndaǵy úılerdi satyp alýǵa eń birinshiden jalaqysy ortasha aılyqtan joǵary azamattar satyp alady. Demek, bizdiń oıymyzsha, olar - iri jetekshiler, bıznes ókilderi, kvazımemlekettik sektordyń ókilderi bolýy múmkin. Meniń sýbektıvti pikirim boıynsha, satyp alyp jatqandar astanalyqtar dep oılamaımyn. Aımaqtaǵy bıznes ókilderi men elıtalar osy páterlerge qyzyǵýshylyq tanytýda. Sebebi, páterlerdiń ornalasqan jeriniń ózi, ınfraqurylymy jaqsy. Máselen, turǵyn úılerdiń janynda Nazarbaev Ýnıversıteti, Mega Sılk Ýeı, Hılton qonaq úıi tur. Prezıdenttiń EKSPO aýmaǵynda jaqynda Astana Habty ashqanyn bilesizder. Bunyń bárin eskersek, bizdiń oıymyzsha, satyp alýǵa nıet bildirgender kóp bolady», - dedi Asqarbek Óserbaev.
Aıta ketsek, «Báıterek development» AQ ókilderi baıan etkendeı, EKSPO aýmaǵynda 42 kópqabatty úıden turatyn 6 turǵyn úı kvartaly salynǵan bolatyn. 6-8 qabatty úılerdiń jalpy aýmaǵy 180 myń sharshy metrdi quraǵan edi. ıAǵnı, jalpy 374 páter salynyp, qazirge deıin olardyń 148-i satylyp ketken.
Eske sala ketsek, buǵan deıin KSPO-2017 aýmaǵynda ornalasqan turǵyn úılerdi satý qaıta bastalǵanyn habarlaǵan bolatynbyz.
Sondaı-aq, «Báıterek development» AQ basqarma tóraǵasynyń orynbasary Asqarbek Óserbaev EKSPO kórmesin ótkizý kezinde salynǵan úılerdiń baǵasyn aıtqan edi.
