EKSPO aýmaǵyndaǵy aýqymdy shoý: Ninety one, robot-Tıtan jáne Dıma Bılan

ASTANA. QazAqparat - EKSPO kórme kesheninde Astananyń 20 jyldyq mereıtoıy qarsańynda ataqty álemdik jáne otandyq juldyzdardyń qatysýymen «Nur Álem» sferasynda, "Kongress ortalyǵynda" jáne EKSPO jazǵy saxnasynda eksklıýzıvti qoıylymdar ótedi, dep hapbarlaıdy QazAqparat «Astana EKSPO-2017» UK» AQ baspasóz qyzmetine silteme jasap. 

Ár jeksenbi jáne mereke kúnderi «Nur Álem» sferasynda Murat Muturǵanovtyń «Smile» atty shoýy men «Energııa dóńgelegi» tsırk qoıylymy ótedi. Kelýshiler «Dóńgelek» atty tsırk janryndaǵy eń úzdik ártisterdiń ekstremaldy nomerlerin tamashalaı alady. Komanda saqtandyrýsyz jumys isteıdi. «Energııa dóńgelegi» shoýynyń ataqty ártisteri Frantsııa, Anglııa, Reseı jáne Qazaqstanda gastroldik is-saparlary sátti ótken.

Sondaı-aq,  Qazaqstanda alǵash ret «Nur Álem» sferasynda 5 men 29 shilde aralyǵynda Abý-Dabıde Gran-prı Formýla -1, Ulybrıtanııada  «iRobo» premerasynda, Rıannamen, Ýıll Smıtpen jáne Will.i.am, Sochıdegi Olımpıadanyń ashylýynda óner kórsetken tanymal ázilkesh, bıshi, ártis robot - Tıtan óner kórsetedi.

Murat Muturǵanovtyń «Energııa dóńgelegi» jáne «TITAN THE ROBOT SHOW» shoýyna qatysý úshin, «Nur Álem» sferasyna kirý bıletin satyp alsańyz jektilikti. Bıletti EKSPO kórme aýmaǵyndaǵy kassalardan, expo2017astana.com jáne kassir.kz saıtynan satyp ala alasyz.

7 shildede  saǵ.20:00-de  Sizder úshin  otandyq jastardyń kýmırine aınalǵan Q-Pop mýzykalyq  janrynyń negizin qalaýshy «Ninety One» toby  men «Raim & Artur» dýeti  jyldyń hıtyna aınalǵan «Samaıa vyshka» ánimen, jáne «Djeıran» toby óner kórsetedi. EKSPO aýmaǵynda jazǵy alańda ótetin tamasha shoýdy jiberip alma!  Kirý tegin!

Ár jeksenbi saǵat 13.00 Murat Muturǵanovtyń «Smile» shoý-baǵdarlamasynyń kloýndary, anımatorlary, sıqyrshylary men akrobattary tsırk shoýyna jáne 19:00-de ertegi keıipkerleriniń qatysýymen mýzykalyq spektaklge shaqyrady. Kirý tegin.

22 shilde kúni saǵat 18:00-de EKSPOnyń  Kongress ortalyǵynda  Dıma Bılan óziniń «Opıat 35» atty jeke kontsertinde óner kórsetedi. Kontsertke bılet ala otyryp, Siz «Nur Álem» sferasyna bir ret tegin kirý múmkindigine ıe bolasyz.

Mádenı-oıyn-saýyq baǵdarlama túrli stıldi jáne janrdy súıetinderdiń kóńilinen shyǵatyn bolady. Qalǵan qosymsha sharalar expo2017astana.com saıtynda jaqyn arada jarııalanady.