EKSPO: Aqmola oblysynyń əkimi Astanada ardagerlermen kezdesti

KÓKShETAÝ. QazAqparat-Aqmola oblysynyń ákimi Məlik Myrzalın Astana qalasynda ótetin Aqmola oblysynyń mədenıet kúnderi aıasynda bir top aqmolalyq zeınetkerlerge qurmet kórsetti, dep habarlaıdy «QazAqparat» HAA tilshisi.

Elordadaǵy «Aqqý» meıramhanasynda uıymdastyrylǵan sharaǵa Astana men irgeles aýdandarda turatyn júzge jýyq aqmolalyq zeınetkerler shaqyryldy. Soǵys jáne eńbek ardagerlerin quttyqtaǵan óńir basshysy Elbasy Nursultan Nazarbaevtyń tapsyrmasyna sáıkes memleket tarapynan aǵa urpaq ókilderine barynsha qamqorlyq jasalyp otyrǵanyna, bul máseleniń jergilikti bıliktiń de únemi nazarynda ekendigine toqtaldy.


«Búgingi elimizdiń kórkeıip-gúldenýi, urp­aqtarymyzdyń shat-shadyman, baqytty turmys­qa kenelýi, árıne, aǵa urpaqtyń mańdaı t­eriniń, elge sińirgen eńbeginiń jemisi. ­Endeshe el mereıin ósirgen qarııalarymyzdy­ árqashanda aıalap, olardy meıirim shýaǵyna­ bóleý - búgingi urpaqtyń paryzy. Sizderdiń bilimderińiz ben tájirıbeleriń­iz, ómirde túıgen danalyqtaryńyz biz úshi­n baǵa jetpes qazyna. Óńirdiń ekonomıkal­yq irgetasy sizderdiń bilek kúshterińizbe­n qalanǵan. Sondyqtan da, Aqmola oblysy ­el aýmaǵynda kósh bastap kele jatqan óńir­lerdiń qatarynda»,- deı kele, oblys ákimi barlyq ardagerlerge gúl shoqtary men syılyqtar úlestirdi.


Óz kezeginde ardagerler de mereılerin ósirgen, bir ýaq eskeripán men jyrǵa bólegen oblys basshylyǵyna rızashylyqtaryn bildirdi. Olardyń arasynda burynǵy bilim mınıstri Qojahmet Balahmetov, oblystyq atqarý komıtetiniń tóraǵasy Zeınolla Shaıdarov, qoǵam qaıratkeri Svetlana Jalmaǵambetova jəne QR Parlamenti Senatynyń depýtatty Jabal Erǵalıev sııaqty birqatar ardagerler boldy.


Eske sala keteıik, 2017 jyldyń 20-25 maýsym aralyǵynda Astana qalasynda halyqaralyq mamandandyrylǵan «EKSPO-2017» dep josparlanǵan.
Aqmola oblysy ákimi baspasóz qyzmetiniń málimeti boıynsha mádenıet kúnderiniń aıasynda Aqmola oblysy fılarmonııasynyń kásibı ujymdarynyń, oblystyń eń úzdik shyǵarmashylyq kórkemónerpaz ujymdarynyń gala-kontsertterin, keskindeme sýretteriniń, halyq shyǵarmashylyq sándik-qoldanbaly óner sheberleri jumystarynyń kórme-satylymdaryn, qazaq halqynyń ulttyq dástúrlerin kórsetetin etnoaýyldaǵy teatrlandyrylǵan mádenı-kópshilik is-sharalar men ulttyq sport oıyndary Astana turǵyndary men qonaqtaryna usynylatyn bolady.