«EKSPO-2020» kórmesi Dýbaıda ótetin boldy
ÁBÝ-DABI. 28 qarasha. QazAqparat - «EKSPO-2020» kórmesin ótkizetin jerdi anyqtaý úshin Parıjde ótken daýys berýdiń qorytyndysynda oǵan qatysýǵa úmit bildirgenderdiń arasynan Dýbaı qalasy tańdaldy.
Daýys berý úsh kezeń boıynsha ótkizildi. Qorytyndy kezeńde tóreshilerge Reseıdiń Ekaterınbýrgi men Ámirlikterdiń Dýbaı qalasy arasynda tańdaý jasaý kerek boldy. Daýys berý saltanatyn ámirliktiń BAQ-ry belsendi túrde translıatsııalady: telearnalar arqyly Parıjden tikeleı translıatsııa júrgizilip, al áleýmettik jeliler arqyly DubaiExpo2020 heshtegi tanymal boldy.
Sonymen birge, BAÁ bıligi bul kúnderi Dýbaıda jáne búkil el boıynsha «EKSPO-2020» jeńisin toılaý jáne osy kúnmen tuspa-tus kelgen eldiń táýelsizdigi kúnine baılanysty merekelik baǵdarlamalar ótkiziletindigin jarııalady.
