EKSPO-2017 kórmesine 7 jańa Shuttle Bus baǵdary engizildi

ASTANA. QazAqparat - «EKSPO-2017» Halyqaralyq mamandandyrylǵan kórmesi kúnderi qalanyń shalǵaı aımaqtaryn kórme ortalyǵymen baılanystyratyn 7 jańa Shuttle Bus baǵdary engizildi. Muny kóshe-jol jelisiniń júktemesin tómendetý úshin «ALAY-ASTRA» jáne «KeńMart-ASTRA» kóliktik ortalyqtary uıymdastyryp otyr, dep habarlaıdy elorda.info . 

Endi №500 Halyqaralyq áýejaı - «Nurly Jol» temir jol vokzaly, №501«Rahmet» OSO - Klınıkalyq-ońaltý ortalyǵy, №502-«Astana» M - «Arnaý» TK, №503 - «Alaı» - «Arnaý» TK kóliktik haby №504 - «Dostar-1» TK - Klınıkalyq-ońaltý ortalyǵy №505 - «Nurly Jol» temir jol vokzaly - «Arnaý» TK, №506 - «Keńmart» OSO - «Qazanat» ıppodromy arasynda qatynaıtyn bolady. Sonymen qatar, №10, 12, 15, 18, 35, 37, 40, 51, 53, 70, 102, 303 qalalyq baǵyttaryna qosymsha 50 kólik ústemelenip, baǵdar kúsheıtiletin bolady.

Bul týraly astanalyq qoǵamdyq kólik qyzmeti­niń jumysyna qatys­ty máseleler boıynsha brı­fıngte jarııa etildi. Elordalyq Kólikti dıspetcherleý ortalyǵynyń basshysy Baýyrjan Seıitov, «Astana LRT» JShS jolaý­shylar kóligi bóliminiń basshysy Beıbit Esjanov qoǵamdyq kóliktiń jumysyn jaqsartý, qyzmet sapasy men qyzmet kórsetý mádenıetin joǵarylatý turǵysynda atqarylyp jatqan isterge taldaý jasady.

Búginde qalalyq avtobýs parki 1 025 avtobýstan turady, onyń ishinde 358-i - kondıtsıonermen jabdyqtalǵan jańa avtobýstar. Jolaýshylar tasymaly qyzmetine 1192 júrgizýshi tartylyp, 1 101 kondýktor jol boıynda jumys isteýde. Qoǵamdyq kólik qyzmetine qala turǵyndary 4,5 myńnan astam shaǵym túsken. Arnaıy tekserýden keıin 52 júrgizýshi jáne 150 kondýktor jumystan bosatyldy.