EKSPO-2017-ge deıin Astananyń turǵyndary 900 myńǵa jetedi
ASTANA. QazAqparat - Astana qalasy turǵyndarynyń sany 2017 jylǵa deıin 900 myńǵa jetedi. Bul týraly búgin Astananyń 2030 jylǵa deıingi Bas jospary jobasyn talqylaý barysynda málim boldy.
«Boljam boıynsha EKSPO kórmesin ótkizý kezinde qala halqy 900 myńǵa jetedi, al shara ótkiziletin jazdyń úsh aıynda kórme 5 mln. ret tamashalanady. Bizdiń esebimiz boıynsha kórmege kúnine shamamen 270 myń adam keletin bolady», - dep atap ótti «Astana qalasynyń Bas jospary ǴZJI» JShS bas arhıtektory Baqtybaı Taıtalıev. Onyń aıtýynsha, osylaısha Astananyń halqy 2017 jyly turaqty turǵyndary men kórmege kelgen týrısterdi qosqanda 1 mln. 200 myńǵa jetedi. «Sondyqtan qyzmet kórsetý nysandary osynshama halyqty qamtamasyz etýge jetýi tıis. Búginnen bastap, barlyq ınjenerlik jáne kóliktik ınfraqurylymnyń 2017 jylǵy talaptarǵa saı bolýyn qadaǵalaý qajet», - deıdi bas arhıtektor.
