EKSPO-2010 dúnıejúzilik kórmesine kelýshilerdiń sany rekordtyq kórsetkishke jetti - bir kúnde 600 myń adam keldi
BEIJІŃ. Qyrkúıektiń 29-y. QazAqparat /Rýslan Súleımenov/ - Shanhaıda ótip jatqan EKSPO-2010 kórmesine kelýshi qonaqtardyń sany boıynsha rekord ornatyldy - oǵan bir kúnde alǵash ret 600 myń adam keldi.
Uıymdastyrýshylardyń habarlaýynsha, bul kórmege bir kúnde kelýshilerdiń rekordtyq kórsetkishi. Halyqtyń munshalyqty aǵylýyna Qytaıda Kúz ortasy merekesine oraı berilgen demalystar men jyly aýa raıy sep bolyp otyr.
Jabylýyna 1 aıdaı ǵana ýaqyt qalǵan bul kórmege kelýshilerdiń jalpy sany 56 mıllıonnan asyp ketti. Aspanasty elinde Qytaı Halyq Respýblıkasynyń qurylǵan kúnine oraı qazannyń 1-7-si aralyǵynda bolatyn demalys kúnderi kórmege kelýshilerdiń sany bul rekordtan da asýy múmkin.
Shanhaıda mamyr aıynda bastalǵan EKSPO-2010 dúnıejúzilik ámbebap kórmesi qazannyń 31-ine deıin sozylady. Onyń jumysyna 200-den astam el, aımaqtar jáne halyqaralyq uıymdar qatysýda.
Kórmedegi Qazaqstan pavılony da kópshiliktiń erekshe nazaryn aýdaryp otyr. Uıymdastyrýshylardyń aıtýynsha, osy aralyqta Qazaqstan pavılonyn bes mıllıonǵa jýyq qonaq tamashalady.
