«Ekspert» klýby «Qoljetimdi baspana-2020» máselesin talqylaıdy

ASTANA. 7 maýsym. QazAqparat - 2013 jyly 11 maýsymda Astanadaǵy Ulttyq akademııalyq kitaphananyń ǵımaratynda «Qoljetimdi baspana-2020» baǵdarlamasy boıynsha halyqqa arnalǵan turǵyn úıdi satý tetikteri» atty taqyrypta «Ekspert» klýbynyń kezekti otyrysy bolady.

Eske salaıyq, «Qoljetimdi baspana-2020» memlekettik baǵdarlamasy 9 baǵyt boıynsha jumys isteıdi. Baǵdarlamada qazaqstandyqtardyń ártúrli sanattaryna baǵdarlanǵan naqty, pármendi tetikteri kózdelgen. Bul tetikter negizinen - jergilikti atqarýshy organdarda kezekte turǵan azamattarǵa arnalǵan turǵyn úı, QR «Turǵyn úı qurylys jınaq banki» jelisi boıynsha, «Qazaqstandyq ıpotekalyq kompanııa» AQ turǵyn úıi, «Samuryq-Qazyna» jyljymaıtyn múlik qorynyń turǵyn úıi qurylysy jáne basqa da joldaryn qamtıtyn bolady.

Osy túıtkildi máseleler tóńiregindegi «Baǵdarlamanyń atalǵan operatorlary turǵyn úı satýdyń qandaı tetikterin usynady?», «Baǵdarlama qatysýshylary úshin ınternet arqyly turǵyn úı satý tetigi qolaıly ma?» «Kezekti jalǵastyrýdyń ashyqtyǵy qalaı qamtamasyz etiledi?» degen saýaldardy klýb jetekshisi Nurlan Erimbetov shaqyrylǵan sarapshylarǵa talqylaý úshin usynady.

«Ekspert» klýbynyń otyrysyna memlekettik organdardyń ókilderi, QR Parlamentiniń depýtattary, qoǵamdyq uıymdardyń, kásipodaqtar men BAQ ókilderi, sondaı-aq sarapshylar men jýrnalıster qatysady.