Ekskýrsııa kezinde pil brıtandyq týrısti taptap tastady
ASTANA. QazAqparat - Taılandta Samýı aralynda ekskýrsııa ýaqytynda pil Ulybrıtanııadan kelgen týrısti taptap tastady.
Basylym aqparatyna súıensek, oqıǵa «pilmen trekıng» kezinde oryn alǵan. Shotlandııanyń 36 jastaǵy azamaty 16 jastaǵy qyzymen pilge minip serýendep kele jatqan. Pil jolserigin tyńdamaǵan soń, álgi pildi tártipke shaqyryp, ony qaıralǵan ilmekpen birneshe ret uryp jiberedi. Pil tynyshtalyp qalady, alaıda jolserik pilden túsip, onyń arqasynda sebette otyrǵan týrısti fotoǵa túsirmekshi bolǵan kezde ony soıdaq tisimen uryp qulatady.
Sosyn pil ústindegi brıtandyq pen onyń qyzyn jerge qulatady da, er adamdy taptap, soıdaq tisimen júrek tusynan uryp jiberedi. Brıtandyqtyń aıaǵy protez bolǵandyqtan, ol qashyp úlgermegen. Týrıstiń qyzy zardap shekken joq, dep jazady sheteldik BAQ.
