EKSKLıÝZIV: Jıddadan Mekkege deıingi sapar jáne Qaǵbany alǵash kórgendegi keremet sezim
ASTANA. QazAqparat - «QazAqparat» HAA fotoredaktory Dáýren Muhamedjanov Mekkege kishi qajylyqqa baryp keldi.
Kıeli mekenge jol júrmes buryn biraz ýaqyt ishki daıyndyq júrgizdim. Paıǵambardyń (oǵan Allanyń ıgiligi men sálemi bolsyn) ómir joly men taǵylymdary týraly kóp áńgimeler oqydym.
«Astana-Ábý-Dabı» baǵyty boıynsha bet alǵan Etihad Airways ushaǵyndaǵy jolserik kórshim de jylyushyraǵan áńgimeshil jan bolyp kezikti. Saıd - pákistandyq. Sáýlet salasynda bilimi bar, Astanada tanymal nysandardyń birinde eńbek etedi. Úsh tildi (arab, ýrdý jáne hındı) jaqsy meńgergen. Ári frantsýz, nemis tilderin úırenip júr eken. Aǵylshyn - kommýnıkatsııa quraly. Keıin belgili bolǵandaı, Medınede dúnıege kelgen Ámirlik azamaty otbasymen jáne ata-analarymen Úndistanda turady eken.
Saıdtyń pikirinshe, Qazaqstan - tabıǵı jáne adamı áleýeti joǵary erekshe el. Astana damyǵan eldiń jas júregi ispettes. Ol Qazaqstan sheteldikter úshin barynsha ashyq bola túskeni, jastar eliniń halyqaralyq arenada keńinen tanylýy úshin bar kúsh-jigerlerin jumsap jatqany úshyn qýanatanyn aıtty.
Jol barysynda úsh ret qajylyqqa barǵan, 10-13 ret Ýmra ǵıbadatyn ótkergen jańa dosym Saıd maǵan nusqaýshy bola bildi.
«Ál-Haram meshitine barǵanda, kireberiste ishińnen duǵa qaıyryp, tabaldyryqtan oń aıaǵymen attap kir. Jan-jaǵyńa qarama, Qaǵbanyń qaı baǵytta ekenin biletin adamnyń sońynan er. «Ál-Beıt ál-Haram» ataýy bar qaǵbanyń arabshadan aýdarmasy «kıeli úı». Ol ózi bastap barsyn, sen kózińdi jumyp júr. Qaǵbaǵa jaqyn kelgende, oǵan qaraýyńa bolady. Bul oryndy kózben kórgen kezde tylsym kúshtiń tikeleı júregińe qalaı jetkenin birden sezesiń. Medınede Masdjıd an-Nanavı meshitindegi «Raýda» baǵynda mindetti túrde namaz oqy. Sondaı-aq Paıǵambardyń jaqsy kórgen «ajýa» qurmasyn satyp al, - dedi Saıd, - «Tańerteń «ajýa» qurmasymen orazasyn ashqan adam sol kúni pále-jaladan saý júredi», - delingen hadısterdiń birinde.
Jaıly oryndyq, ashyq ta jarqyn áńgimshil kórshimen birge kóńilimdi erekshe qanatty sezim bılegendeı boldy. Pılot ushaqtyń qonaıyn dep jatqanyn habarlady. Ábý-Dabı halyqaralyq termınaly bizdi kútip aldy. Dárethana, tazalyq, jýyný bólmederi ár ǵıbadathananyń kireberisinde bar. Bul túsinikti jaıt. Sebebi Ábý-Dabı áýejaıyna jylyna 12 mıllıonǵa deıin jolaýshy qabyldaýyna týra keledi. Midfield Terminal ortalyq termınalyn iske qosqannan keıin bul halyqaralyq áýejaı jylyna 20 mıllıonǵa deıin jolaýshy qabyldaý múmkindigine ıe bolady.
Namazhanaǵa tóselgen qalyń kilemge jaıǵasyp, Ýmra ǵıbadatyn jasaýdyń alǵashqy satysyna óttik, - ıhramǵa kirip, taýap jáne sahı jasadyq. Basqa ýaqytta isteýge ruqsat etilgen keıbir is-áreketter ýmra ýaqytynda haram bolady. Bul kezde jynystyq qatynas, ony eske alý, jáne soǵan alyp baratyn súıý, aımalaý sekildi barlyq amaldar, Allahqa boısunbaý jáne kúnáli ister jasaý, adamdarmen urysý, talasý, janjaldasý, olarǵa til tıgizý jáne t.b. tyıym salynady.
Ǵusyl rásimin oryndaǵannan keıin áıelder aq kıimge oranyp, bastaryna jaýlyq taǵady, olardyń betteri, saýsaq ushtary men tabandary ǵana kórinedi. Er aldamdar eki aq jaıma oranady: bireýi ıyqtan tizege deıin jabady, ekinshi jaımany sol ıyǵyna iledi. Bul kıim qajylyq etýshilerdiń nıetiniń tazalyǵyn, olardyń Allanyń aldyndaǵy teńdigin bildiredi.
Jıddadan shyqqannan bastap Mekkege deıingi jol men Qaǵbany alǵash kórgen sáttegi keremet áser jaıly kelesi aptada oqyńyzdar.
