EKSKLıÝZIV: Syrtqy ister jáne Densaýlyq saqtaý mınıstrlikteri Rıoda sportshylarymyzdy Zıka bezgeginen qorǵaý sharalaryn pysyqtaýda
«QazAqparat» agenttiginiń resmı saýalyna oraı elimizdiń basty sporttyq vedomstvosy osyndaı jaýap berdi.
«Belgili bolyp otyrǵandaı, dál osy problemamen Olımpıadany qabyldaýshy tarap ta jumystar júrgizý ústinde. Degenmen, bizdiń sportshylarymyz ben delegatsııamyzǵa qatysty naqty sharalar jaıynda qazirgi ýaqytta aıtýǵa erte. Syrtqy ister mınıstrligi men Densaýlyq saqtaý jáne áleýmettik damý mınıstrlikteriniń usynystary men sheshimderin kútemiz», - dep habarlady mınıstrlikten.
Aıta keterligi, «QazAqparat» agenttigi dál osy saýalmen QR Ulttyq ekonomıka mınıstrligine qarasty Tutynýshylar quqyǵyn qorǵaý komıteti tóraǵasynyń orynbasary bas memlekettik sanıtar dáriger Jandarbek Bekshınge de júgingen bolatyn.
«Brazılııada ótetin Olımpıada oıyndaryna baratyn Qazaqstan quramasynyń múshelerin, ilesip birge baratyn azamattardy (jattyqtyrýshylar, dárigerler jáne t.b.) jáne jankúılerlerdi saqtandyrý sharalary jeke ázirlenetin bolady», - delingen edi onyń jaýabynda.
Esterińizge sala keteıik, Dúnıejúzilik densaýlyq saqtaý uıymy Zıka bezgegin jahandyq qater dep jarııalaǵan bolatyn. Dál osy uıymnyń málimetterinshe, Zıka bezgegine shaldyqqan Ońtústik jáne Soltústik Amerıka elderi turǵyndarynyń sany 3-4 mln. adamǵa jetýi múmkin. Onyń ishinde 1,5 mln. adam Brazılııa turǵyndary bolýy yqtımal.
31-shi jazǵy Olımpıada oıyndary tamyzdyń 5-21-i aralyǵynda Brazılııanyń Rıo-de-Janeıro qalasynda ótedi.