EKSKLıÝZIV: Qazaqstanda júrgen júk kólikterin jasaýshy Qytaı kompanııasynyń bedeli tústi
SIANЬ. QazAqparat - QHR-nyń Shensı provıntsııasynda júk kóligi men avtobýs shyǵaratyn óndirýshilerdiń biri - Shaanxi Automobile Group kompanııasynyń bedeline nuqsan keltirgen sot protsesi bastaldy.
Atalǵan kompanııanyń enshiles kásiporyndarynyń biri Cims-Shac (Xian) Spesial Vehicles Co. Ltd. kompanııasyn Sıanniń «De Jen» kólik birlestigi sotqa berdi. Onyń júk kólikterin shyǵarýshylarǵa qatysty basty narazylyǵy - jasandy, tómen surypty ónimi, sonyń ishinde kóliktik quraldardyń málimdelgen tehnıkalyq sıpattamalarǵa, sondaı-aq sapa jáne qaýipsizdik standarttaryna (jıi buzylyp qalý, qurylymdyq jetispeýshiligi, sapasyz jınalýy men dánekerlenýi) sáıkes kelmeýi bolǵan.
Shensı provıntsııasyndaǵy ónimder sapasyna baqylaý jasaý basqarmasy bul faktini resmı moıyndap, tıisti qaýly shyǵardy, kompanııanyń ózi bolsa, memleketke (sotqa shaǵymdanýsyz) aıyppul tólegen. Shaanxi Automobile Group avtotreılerleriniń tehnıkalyq aqaýlary adam ómirin qıǵan birqatar jol-kólik apattaryna ákelip soqtyrdy. Sot protsesi jurtshylyq arasynda keńinen talqylandy - ol boıynsha jańalyq materıaldaryn bedeldi «Tsaıtszın» qarjy-ekonomıkalyq jýrnaly, Gonkongtyń «Felıks» telearnasy jáne Sıan basylymdary daıyndaǵan. «Sondyqtan, biz Shaanxi Automobile Group ónimderin sheteldik satyp alýshylarǵa, sonyń ishinde qazaqstandyqtarǵa da bul kásiporynmen kelisimshart ornatar aldynda ónimderdiń shyǵarýshy zaýyttyń lıtsenzııasy bar bólimderinde shyǵarylýyna kóz jetkizýlerine keńes beremiz», - dedi QazAqparat tilshisine bergen suhbatynda «De Jen» kompanııasynyń basshysy ári ortaq ıesi, bizdiń otandasymyz Sofııa Ushyrova. Esterińizge sala keteıik, Shaanxi Automobile Group Qytaıdaǵy eń iri kompanııalarynyń reıtınginde 38-shi orynda tur. Holdıngtiń ókildikteri álemniń kóptegen elderinde, sonyń ishinde Qazaqstanda (Almaty) da bar.
