EKSKLıÝZIV: «Eır Astana» álemdegi eń jas áýe parkteriniń biri jáne onda Sınaı túbegi arqyly ushatyn áýe baǵyttary joq
ALMATY. QazAqparat - «Eır Astana» áýe kompanııasy tehnıkalyq aqaýy bar ushaqty eshqashanda áýege ushyrmaıdy. Reseıdiń «Kogalymavıa» áýe kompanııasynyń Airbus A321 ushaǵynyń Mysyr jerinde apatqa ushyraýyna baılanysty búgin «QazAqparat» tilshisine bergen suhbatynda «Eır Astana» áýe kompanııasynyń menedjeri Tilek Ábdirahımov osylaı dep jaýap berdi.
Esterińizge sala ketelik, 31 qazan kúni Reseıdiń «Kogalymavıa» áýe kompanııasynyń Airbus A321 ushaǵy Mysyr jerinde apatqa ushyraǵan bolatyn. Sınaı túbegindegi Sharm-ál-Sheıh qalasynan Sankt-Peterbýrgke baǵyt alǵan ushpaq kóp uzamaı túbektiń soltústik aýmaǵynda apatqa ushyrady. Ushaq bortyndaǵy 224 jolaýshynyń barlyǵy qaza tapqan. Qazir aldyn-ala boljamdar boıynsha ushaqtyń apatqa ushyraýyna onyń tehnıkalyq aqaýy jáne paıdalaný merziminiń uzaqtyǵy sebep bolýy múmkin. Osyǵan baılanysty, «Eır Astana» áýe kompanııasynyń resmı ókili Qazaqstannan Mysyrǵa tikeleı áýe reısiniń joq ekendigin málim etti. «Bizdiń ushaqtar Mysyr baǵytynda ushpaıdy. ıAǵnı, Sınaı túbegi arqyly áýe baǵyttary joq. Biz tek Eýropa men Azııa elderine ǵana ushamyz. Solardyń ishinde Ystambul, Antalııa, Dýbaı, Ábý-Dabı, Delı qalalaryn ataýǵa bolady», - dedi T. Ábdirahımov. Sonymen qatar ol «Eır Astana» áýe kompanııasynyń áýeparki álemdegi eń jas parkterdiń biri ekendigin jetkizdi. «Bizdiń áýe kompanııamyz tehnıkalyq aqaýy bar ushaqty eshqashanda áýege ushyrmaıdy. Bul jolaýshylar qaýipsizdiginiń kepili. Bizdiń mamandar ushaqty ushyrar aldynda kez-kelgen jaǵdaıda muqııat tekserýden ótkizedi. Normatıv jáne óndirýshilerdiń usynystary boıynsha tehnıkalyq turǵyda sapaly qyzmet kórsetedi. «Eır Astana» áýe kompanııasynyń áýe parkindegi ushaqtardyń ortasha «jasy» - bar bolǵany 6 jyl. Bul álemdegi eń jas áýe parkteriniń biri. Al bul biz úshin mańyzdy kórsetkish», - dedi T. Ábdirahımov.
