EKSKLıÝZIV: Djıddadan Mekkege baratyn jol jáne Qaǵbany alǵash kórý. Tórtinshi bólim (FOTO)
ASTANA. QazAqparat - «QazAqparat» HAA-niń fotoredaktory Dáýren Muhamedjanov Mekkege kishi qajylyqqa baryp qaıtqan edi. Qajylyq sapary týraly ol óziniń fotoreportajynyń birinshi bóliminde (Astana-Ábý-Dabı-Djıdda joly týraly) baıandap bergen bolatyn. Ekinshi bóliminde Djıddadan Mekkege deıingi jol sýrettelgen. Úshinshisinde - álemniń eń úlken meshitine barǵanyn jáne Qaǵbany táýáb etkeni aıtylǵan bolatyn.
"Búginde Safa men Marýanyń qashyqtyǵy 450 metr. Ol - Ál-Haramnyń bóligi bolyp tabylmaıtyn óz aldyna úlken jabyq keshen", - deıdi Dáýren Muhamedjanov.
Qandaı da bir dertke shaldyqqan qajy jaıaý bastap, keıinnen qatty sharshap, ıa aýyrǵanyn bilse, oǵan jorany arbaǵa otyryp jasaýǵa ruqsat beriledi. Bul adamdarǵa jorany bir-birin baspaı, eki taýdyq arasynda júrip jasaýǵa múmkindik berip otyr.
Zámzám sýy - Raqymdy Qudaıdyń Mekke halqy úshin bergen úlken erekshe nyǵmeti. 40 gradýs aptap ystyqta salqyn sýdan tátti eshteńe tabylmaıdy. Adam tamaqsyz ortasha eseppen 2 apta ómir súre alsa, sýsyz nebári 2-3 kún ǵana tirshilik ete alady. Sondyqtan Zámzám Mekke kartasyndaǵy strategııalyq eń mańyzdy núktesi bolǵan jáne bolyp qala bermek.
