Ekskavator men 40 tonnalyq konteınerdi urlap áketken aqmolalyq ustaldy
KÓKShETAÝ. QazAqparat - Aqmola oblysynyń Tselınograd aýdanynda ekskavator men júk konteınerin urlaǵan kúdiki ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, 2016 jyldyń 4 maýsymynda Qosshy aýylyndaǵy kásiporyndardyń biriniń dırektory, 36 jastaǵy kelinshek polıtsııaǵa aryzdanǵan. Zardap shegýshiniń sózine qaraǵanda, onyń jalǵa alǵan ekskavatoryn belgisiz bireý túnde qurylys alańynan aıdap áketken. Keltirilgen shyǵyn kólemi 12 mıllıon teńgeni quraǵan.Ury jaqynda polıtseılerdiń qolyna tústi.
«Osy kásiporynda kúzetshi bolyp jumys istegen 31 jastaǵy jergilikti turǵyn anyqtalyp, qolǵa tústi. Kúdikti urlanǵan tehnıkany satyp úlgermegen. Tergeý sharalary aıaqtalǵan soń tehnıka ıesine qaıtarylatyn bolady.
Tergeý kezinde kúdiktiniń sondaı-aq, jańadan salynyp jatqan nysannyń aýmaǵynan 40 tonnalyq konteınerdi evakýatordyń kómegimen «KamAZ» júk kóligine tıep, taıyp turǵany da áshkerelendi. Kúdiktiniń bul qylmysty atalǵan kásiporynnyń kúzetshisimen aldyn ala kelisip jasaǵany jáne urlanǵan konteınerdi úshinshi adamǵa 200 myń teńgege satyp jibergeni anyqtaldy.
Qazirgi kezde, kúdikti ýaqytsha ustaý abaqtysyna qamalyp, ústinen QR QK-niń 188-baby 4-bólimi boıynsha qylmystyq is qozǵaldy», - dep kórsetilgen habarlamada.
