Eks-vıtse-mınıstrdiń dıplomy jalǵan bolyp shyqty
ASTANA. QazAqparat - Reseı Federatsııasy Sibir Federaldy okrýgynyń quramyna kiretin Býrıatııa Respýblıkasynyń astanasy Ýlan-Ýde meriniń burynǵy keńesshisi jáne Býrıatııa qurylys mınıstriniń orynbasary Jargal Dondýpovtyń joǵarǵy bilimin rastaıtyn dıplomy zańsyz dep tanyldy, dep habarlady baikal-daily.ru.
Burynǵy joǵary laýazymdy sheneýnik prokýrorlyq tekseris nátıjelerimen daýlasqanymen sotta joǵary bilim alǵanyn dáleldeı almady. Respýblıka prokýrory orynbasarynyń aryzy boıynsha Ýlan-Ýde qalasy Sovet aýdandyq soty Jargal Dondýpovtyń joǵary bilim jónindegi dıplomyn zańsyz dep tanydy.
Dıplom Reseıdiń Halyqtar dostyǵy ýnıversıtetinen «zańger» mamandyǵy boıynsha alynǵan. Dondýpov syrttaı, qysqartylǵan oqý merziminde bilim alǵandyqtan, tolyq kýrsty meńgermegen degen sot onyń dıplomyn zańsyz dep tapty.
Alaıda, Dondýpovtyń jalǵan dıplomdy paıdalaný boıynsha qylmystyq is qozǵalǵan joq. Óıtkeni, ony qylmystyq iske tartý merzimi ótip ketken, dep habarlady Býrıatııa prokýratýrasynyń baspasóz qyzmetinen.
