Eks-súıiktisinen mıllıondaǵan aqsha bopsalaǵan er adam qamaýǵa alyndy

Eks-súıiktisinen mıllıondaǵan aqsha bopsalaǵan shymkenttik qamaýǵa alyndy. Kazinform bul týraly Polisia.kz-ke silteme jasap habarlaıdy. 

Buryn birge turǵan er adamnyń ózin qorqytyp júrgeni týraly qala turǵyny polıtsııaǵa júgindi. Aryzdanýshynyń aıtýynsha, er azamat onyń ıntımdik vıdeolaryn ınternetke taratpaý úshin 20 myń dollar talap etken.

Kúdiktini qalalyq PD uıymdasqan qylmysqa qarsy is-qımyl basqarmasynyń jedel ýákilderi talap etilgen somanyń 2 mıllıon teńgesin alý ústinde ustady. Osy jaıt boıynsha polıtseıler tergeý áreketterin bastady. Ustalǵan adam ýaqytsha ustaý ızolıatoryna qamaýǵa alyndy.

Quqyq qorǵaýshylar mundaı jaǵdaılarda dereý polıtsııaǵa habarlasýǵa keńes beredi.