Eks-sýdıa Svetlana Jolmanovaǵa qatysty taǵy bir sot úkimi shyqty
ALMATY. KAZINFORM – Almaty sotynyń burynǵy sýdıasy Svetlana Jolmanovaǵa jańa is boıynsha úkim shyǵaryldy.
Sot Jolmanovany QR Qylmystyq kodeksiniń 190-baby 4-bóliginiń 2-tarmaǵynda kózdelgen (asa iri mólsherde alaıaqtyq) qylmysty jasaǵany úshin kináli dep tapty jáne 8 jyl bas bostandyǵynan aıyrý jazasyn taǵaıyndady.
Alaıda Medeý aýdanynyń №2 aýdandyq sotynyń 2025 jylǵy 19 maýsymdaǵy úkimin eskere otyryp, oǵan túpkilikti 10 jylǵa bas bostandyǵynan aıyrý jazasy taǵaıyndaldy. Osylaısha, jańa úkim jazanyń jalpy merzimin ózgertken joq. Almaty qalalyq sotynyń baspasóz qyzmeti úkim áli zańdy kúshine enbegenin habarlady.
Eske salaıyq, ótken jyldyń 19 maýsymynda eks-sýdıa sot úkimimen 10 jylǵa sottaldy. S.Jolmanova 2021 jyldan bastap 2024 jylǵa deıin jyljymaıtyn múlik satyp alýǵa jáne tenderlik jobalarǵa qatysýǵa járdemdesý syltaýymen, aldaý jáne senimge qııanat jasaý arqyly azamattardyń mıllıondaǵan teńgesin qoldy qylǵan.
Svetlana Jolmanova 2024 jyly qazan aıynda qamaýǵa alyndy.
Atalǵan is boıynsha ekinshi aıyptalýshy Danııar Kúshalıev QR Qylmystyq kodeksiniń 190-babynyń 3-bóliginiń 1-tarmaǵymen kináli dep tanylyp, 3 jylǵa sottaldy.
Tergep-tekserý barysynda qylmystyq árekettiń 48 epızody anyqtalyp, olar bir iske biriktirildi.