Eks-sýdıa Aıgúl Saılybaevanyń denesin týǵan eline jóneltýge daıyndap jatyr
ASTANA. KAZINFORM – A.Saılybaevanyń denesi Qazaqstanǵa jóneltýge daıyndalýda. Bul týraly Kazinform-nyń Eýroodaqtaǵy menshikti tilshisine marqumnyń aǵasy Janat Saılybaev aıtty.
Ol qazir Germanııada júrgenin jáne Aıgúl Saılybaevany týǵan elinde jerleý úshin denesin Almatyǵa jóneltý máselesimen aınalysyp jatqanyn aıtty.
Eske sala ketsek, Germanııada eks-sýdıa Aıgúl Saılybaevanyń zorlyq belgileri bar máıiti tabylǵanyn jazǵan bolatynbyz.
Buǵan deıin 40 jastaǵy A.Saılybaeva Astananyń Saryarqa aýdanynda sýdıa bolyp qyzmet atqarsa, sońǵy ýaqytta Germanııanyń batysyndaǵy Benshaım qalasynda kúıeýi, qyzy jáne enesimen birge turǵan.
4 maýsym kúni tańerteń qyzyn balabaqshaǵa aparǵan. Sodan beri ony eshkim kórmegen. Keıin onyń denesi qala shetindegi Erlache karerinen tabyldy.
Nemistiń BILD basylymynyń habarlaýynsha, áıeldiń máıiti polıetılen qapta bolǵan, ol ólim aldynda zorlyq-zombylyqqa ushyraǵan. Tergeýge Gessen federaldy shtatynan 35 tergeýshi qatysýda.
Otandasymyzdyń joǵalǵany týraly onyń aǵasy Qanat Saılybaev habarlady.
Ol ápkesiniń buryn turmystyq zorlyq-zombylyq týraly shaǵymdanǵanyn aıtty.
A.Saılybaevanyń máıitin berý protsesiniń bastalǵanyn Kazinform tilshisine tergeý júrip jatqan Germanııanyń Darmshtadt qalasynyń prokýratýrasy da rastady.
