Eks-sheneýnik Qýandyq Bıshimbaev óz áıelin uryp óltirdi
Astanadaǵy meıramhanalardyń birinde soqqyǵa jyǵylǵan áıel adam qaıtys boldy, dep habarlaıdy Kazinform.
"Búgin Astanadaǵy Baý meıramhanasynda 20:30 shamasynda burynǵy ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqqan. Áıel adam jedel járdem kelgenshe jan tapsyrdy. Qazirgi sátte eks-sheneýnik ustaldy. Oqıǵa ornynda tergeý toby jumys júrgizip jatyr.
Tártip saqshylary Qýandyq Bıshimbaevty ustaý kezinde ol ózine pyshaq salmaqshy bolǵan. Kúdikti esirtkige masaıǵan kúıde bolǵan bolýy yqtımal", - dep habarlaıdy Astana qalasynyń Polıtsııa departamenti.
Oqıǵa ornynda Esil aýdanynyń PB jáne qalanyń PD tergeý toby jumys istep jatyr.
Qazaqstan Respýblıkasynyń Qylmystyq-protsestik kodeksiniń 201-babyna (Sotqa deıingi tergep-tekserý derekterin jarııa etýge jol bermeý) sáıkes, qylmystyq iske qatysty ózge aqparattar jarııalanbaıdy.
