Eks-sheneýnik Baqytgúl Hamenova Joǵarǵy sotqa shaǵym túsiretinin aıtty
Keshe, 20 aqpanda Atyraýda B.Hamenovanyń isine qatysty apellıatsııalyq shaǵym qarala bastaǵanyn jazǵan edik.
Appelıatsııalyq shaǵym oblystyq sottyń qylmystyq ister jónindegi sot alqasynda qaraldy. Búgin, 21 aqpanda sot alqasy 7 jylǵa sottalǵan eks-sheneýnikke úkimdi ózgerissiz qaldyrdy.
Endi B.Hamenova Joǵarǵy sotqa shaǵym túsiretinin aıtyp otyr.
«Endigi úmit – Joǵarǵy sotta. Meniń esh kinám joq. Sondyqtan kassatsııalyq satydaǵy Joǵarǵy sot istiń egjeı-tegjeıin qarap, úkim shyǵarady dep oılaımyn. Ózimniń aqtyǵymdy dáleldeý úshin sońyna deıin kúresemin. Joǵarǵy sotqa júginip, ádildikke jetemiz», - dep málim etti ol tilshilerge.
Eske salaıyq, Atyraý oblysy ákiminiń burynǵy orynbasary Baqytgúl Hamenovanyń isine qatysty sot otyrysy byltyrǵy 11 tamyzda bastalǵan edi. Aıyptaý aktisi 55 betten turdy.
Byltyrǵy 15 qarashada úkim shyǵyp, ol 7 jylǵa sottaldy. Sot oblys ákiminiń burynǵy orynbasaryn QR Qylmystyq kodeksiniń 366-baby 3-bóliginiń 2-tarmaǵymen (Іri kólemde para alý) kináli dep tanydy.
Onyń jas balalarynyń bary eskerilip, Qylmystyq kodekstiń 74-baby 1-bóligine sáıkes jazany óteý merzimi 3 jylǵa keıinge qaldyryldy.
Keıin Hamenova sot úkimine appelıatsııalyq shaǵym túsirdi.
