Eks-prezıdentterdi Konstıtýtsııalyq keńeske múshe bolýyn shekteý máselesi referendýmda kórinis tabady

NUR-SULTAN. QazAqparat – Konstıtýtsııalyq reforma boıynsha ótetin respýblıkalyq referendým aıasynda Qazaqstannyń eks-prezıdentterin Konstıtýtsııalyq keńeske múshe bolýyn shekteý máselesi kórinis tabady, dep habarlaıdy QazAqparat tilshisi.

Bul týraly QR Ádilet vıtse-mınıstri Alma Muqanova Ortalyq saılaý komıssııasynda ótken semınarda aıtty.

«Konstıtýtsııaǵa usynylyp otyrǵan ózgeristerdiń kelesi blogy Tuńǵysh Prezıdent mártebesine baılanysty barlyq normalardy alyp tastaýǵa qatysty.

Máselen, birinshi Prezıdentke 2 retten artyq saılaný múmkindigi, onyń qyzmetin jekelegen Konstıtýtsııalyq zańmen retteý, sondaı-aq, Tuńǵysh Prezıdent irgesin qalaǵan respýblıka qyzmetiniń túbegeıli prıntsıpteriniń jáne onyń mártebesiniń ózgermeýimen baılanysty 3 norma alyp tastalady. Sonymen qatar, eks-prezıdentterdiń Konstıtýtsııalyq Keńeste bolý quqyǵyn alyp tastaýdy jeke atap ótken jón», - dedi vıtse-mınıstr.

Aıta keteıik, búgin ortalyq saılaý komıssııasynda respýblıkalyq referendýmdy ótkizý jáne oǵan daıyndyq jumystarynyń quqyqtyq máseleleri boıynsha oqytý semınary ótti.

Búgingi Úkimet otyrysynda QR Premer-Mınıstriniń orynbasary – Qarjy mınıstri Erulan Jamaýbaev konstıtýtsııalyq reformaǵa qatysty ótetin respýblıkalyq referendým ótkizýge qansha qarajat bólingenin aıtty.