Eks-mınıstr Zúlfııa Súleımenova: Ońtústikte sýdyń «kóleńkeli naryǵy» 5 mlrd teńgege jetken

ASTANA. QazAqparat – Ekologııa jáne tabıǵı resýrstar mınıstriniń laýazymynan bosaǵan Zúlfııa Súleımenova áleýmettik jelide vedomstvony ózi basqaryp turǵan tusta atqarylǵan sharýalar jaıynda jazba qaldyrdy, dep habarlaıdy QazAqparat tilshisi.

Boljamdy esepter boıynsha, Qazaqstannyń ońtústik óńirlerinde egis sýarý kezindegi sýdyń «kóleńkeli naryǵy» 5 mlrd teńge dep baǵalanady. Biz osyndaı aktilerdi gıdrotehnıkalyq kartalardy jańartýdy jáne qaıta jazýdy joıý arqyly, sondaı-aq zańnamadaǵy jańa túzetýlerdi buzǵany úshin qoldanylatyn jaýapkershilikti qatańdatý arqyly sharalar qabyldap bastaǵan edik.Mınıstrlik basshylyǵy osy baǵyttaǵy jumystardy jalǵastyratynyna senimdimin

, - dep jazdy ol Instagram-paraqshasynda.

Sondaı-aq eks-mınıstr «Qazsýshar» kompanııasynyń 2017-2018 jyldary alǵan syrtqy qaryzy kóptegen qıyndyqtar týǵyzǵanyn eske alady.

Osyǵan baılanysty biz ol qaryzdy qaıta qurylymdap, kompanııany qarjylyq turǵydan saýyqtyrýǵa kiristik. «Qazsýshar» RMK-ny «Nura toptyq sý qubyry» RMK-men biriktirý arqyly jáne «Sý-Metralogııa» fılıalyn bólip shyǵarý arqyly qaıta qurylymdaýdyń jol kartasy ázirlendi. Óıtkeni múddeler qaqtyǵysy bar edi. Kompanııanyń qarjylaı turaqtylyǵyn birneshe ret másele etip kóterdim. Aqyrynda Joǵary aýdıtorlyq palata tekserý júrgizdi. Anyqtalǵan zań buzý fatkileriniń bári boıynsha mınıstrliktiń jańa basshylyǵy biz qabyldap úlgermegen tıisti sheshimderdi qabyldaıdy den senemin

, - delingen jazbada.

Eske salaıyq, búgin Prezıdent Jarlyǵymen Erlan Nysanbaev Ekologııa jáne tabıǵı resýrstar mınıstri laýazymyna taǵaıyndaldy.