Eks-mınıstr 28 jylǵa bas bostandyǵynan aıyrylýy múmkin

ASTANA. 5 jeltoqsan. QazAqparat - Tájikstanda jabyq ótip jatqan sotta belgili kásipker jáne oppozıtsııalyq saıasatker Zaıd Saıdovqa qatysty prokýror onyń múlkin tárkileýmen 28 jylǵa abaqtyǵa toǵytýdy surap otyr.

VVS-diń jazýynsha, Tájikstannyń ónerkásip jáne energetıka eks-mınıstri Zaıd Saıdov qylmystyq kodekstiń segiz baby boıynsha aıyptalýda. Onyń ishinde iri kólemde para alý, qyzmettik jaǵdaıyn teris paıdalaný, alaıaqtyq, bopsalaý jáne basqa qylmystar taǵylyp otyr.

Sottyń birinshi otyrysynda Saıdov barlyq aıyptaýlardy moıyndamady. Kásipkerdiń qorǵaýshysy tergeýshilerdi birjaqtylyq pen teris túsinikteri úshin aıyptap otyr.

Tutqyndalǵanǵa deıin Saıdov «Jańa Tájikstan» atty oppozıtsııalyq saıası partııany qurýdy josparlaǵan bolatyn. Burynǵy mınıstrge qatysty úkim aldaǵy aptada shyǵady eken.