Eks-fýtbolshy Emıl Kenjesarıev aqtóbelik jankúıerlerimen kezdesti
AQTÓBE. QazAqparat - «Aqtóbe» fýtbol komandasynyń oıynshysy Emıl Kenjesarıev jankúıerlerimen kezdesip, qoltańba berdi, dep habarlaıdy QazAqparat tilshisi.
«Aqtóbe» fýtbol klýbynyń eks-oıynshysy Emıl Kenjesarıev keshe «Aqtóbe»-«Taraz» komandalary arasyndaǵy oıynǵa qatysyp, jankúıerlerimen qaýyshty. Aqtóbelik jankúıerlerdi kórgen sátte erekshe qýanǵan sportshy búgin qoltańba berip, janashyrlarymen sýretke tústi.
«Ushaq Aqtóbege qonǵan sátte tula boıym dirildep, tolqyp kettim. Bul jer maǵan óte ystyq. «Aqtóbeniń» jankúıerleri jaqsy qabyldady. Tipti kóshede tanyp qalyp, toqtap, sýretke tústi. Aqtóbe-Taraz oıynyn tamashalaǵan kezde meniń aty-jónim ataldy. Sol kezde jankúıerler ystyq sálemin joldady. Bul úlken baqyt, qýanysh»,- dedi Emıl Kenjesarıev.
Aıta keteıik, bıyl Aqtóbe fýtbol klýbynyń qurylǵanyna 50 jyl toldy. Soǵan oraı «Aqtóbe» quramynda oınaǵan ataqty fýtbolshylar, ardagerler shaqyrylyp, kezdesýler uıymdastyrylady.
«Emıl Kenjesarıevtiń kelgenin, jankúıerlerimen kezdesý ótkizetinin stadıonda estidim. Búgin qoltańba alyp, onymen sóılestim. Meniń kýmırim úlken fýtboldy 18 jasynda bastaǵan eken. «Aqtóbe» klýbyna «Astana» komandasynan keldi. Munyń bárin ózinen estip, estelik sýretke tústim. Men de bolashaqta jaqsy fýtbolshy bolǵym keledi»,- dedi aqtóbelik jankúıer Áskerbek Baıdalımov.
Aıta keteıik, Emıl Kenjesarıev 2006, 2008, 2009, 2013 jyldary Qazaqstan chempıony boldy. 2013 jyly Almaty qalasyndaǵy tóbeles kezinde jaraqat alyp, bineshe ota jasaldy. Ol úlken fýtbolmen qoshtasty.
