Eks depýtat Muhtar Tinikeev eski úıdi óner týyndysyna aınaldyrmaq
ALMATY. QazAqparat - Eks depýtat Muhtar Tinikeev Hrýşev zamanynda salynǵan eski úıdi óner týyndysyna aınaldyrmaq. Bul týraly Feısbýktegi paraqshasynda málimdedi.
Osydan 20 kún buryn eks-depýtat Qaraǵandy qalasyna kirer joldaǵy Prıshahtınsk qalashyǵyndaǵy 5 qabatty eski úıdiń syrtyna graffıtı jasaýǵa baıqaý jarııalaǵan bolatyn.
Búgin Muhtar Tinikeev áleýmettik jelide árlengen úıdiń janynda anasymen túsken sýretin jarııalady. Onyń aıtýynsha, árleý jumystary 1 aptada bitedi.
Sýretshilerdiń eńbekaqysyn eks sheneýnik óz qaltasynan tólegen.
«Turǵyndar men PIK, sáýlet basqarmasynyń ruqsaty alyndy. Meniń armanym oryndalyp keledi. Kórshilerim taý ózeniniń qasynda sýretke túsý - 50 teńge bolady dep qaljyńdap jatyr», - dedi eks-depýtat jazbasynda.
