Eks-depýtat eski úıdi óner týyndysyna aınaldyrdy

ALMATY. QazAqparat - Eks-depýtat Muhtar Tinikeev Hrýşev zamanynda salynǵan eski úıdi óner týyndysyna aınaldyrdy, dep habarlaıdy QazAqparat.

Ol bul týraly Instagramdaǵy paraqshasynda málimdedi.

«Meniń armanym oryndaldy. Mynaý sarqyrama, taý.  Kóp adam bul qaı jerde dep surap jatady. Prıshahtınsk qalasy, 21-shaǵyn aýdan. Osy úıde anam turady», - dedi eks-depýtat.

Muhtar Tinikeev áleýmettik jelide árlengen úıdiń janynda anasymen túsken sýretin jarııalady.

Osydan bir aı buryn M.Tinikeev áleýmettik jeli arqyly Qaraǵandy qalasyna kirer joldaǵy Prıshahtınsk qalashyǵyndaǵy 5 qabatty eski úıdiń syrtyna graffıtı jasaýǵa baıqaý jarııalaǵan bolatyn.

Eks-depýtat sýretshiniń jumysyna 450 myń teńgege deıin tóleýge bar ekendigin aıtqan bolatyn.