Eks-depýtat Dınar Núketaeva Parlamentke oralýy múmkin
ALMATY. QazAqparat - Almatyda QR Parlamenti Senatyna ótetin úmitkerdiń esimi belgili boldy, dep habarlaıdy QazAqparat tilshisi.
Saılaý protsesin jýrnalıster, OSK músheleri, halyqaralyq baqylaýshylar qadaǵalap otyrdy.
«Saılaýǵa qatysýǵa tıisti bolǵan 36 máslıhat depýtatynyń 34-i keldi. Alǵash ret Senat depýtattaryn tańdaýshylardy elektrondy tirkeý qyzmeti qoldanysqa enip otyr. Barlyq aqparat saılaý ýchaskesindegi ekranda kórsetilip, OSK saıtynda jarııalandy», - dedi Almaty qalalyq saılaý komıtetiniń tóraıymy Janna Asanova.
Almatylyq tańdaýshylar 30 mınýttyń ishinde daýys berdi.
36 adamnyń 34-i Qazaq memlekettik qyzdar pedagogıkalyq ýnıversıtetiniń rektory Dınar Núketaevanyń úmitkerligine qoldaý kórsetti.
Senat depýtattaryn saılaý 1 kún ishinde ótedi. Daýys berý nátıjesi OSK-ǵa 29-maýsym kúni beriledi.
Senat depýtaty bolýy úshin Almatydan 3 úmitker usynys bildirgen bolatyn. Dınar Núketaevadan basqa bıznesmender Alekseı Balaganskıı, Bekzat Shýaqov ta qatysty.
Eske sala keteıin, buǵan deıin Dınar Núketaeva QR Parlament Májilisi IV shaqyrylymyndaǵy depýtaty bolǵan.
