Ekrandar adamdar ómiriniń 30 jyldyq ýaqytyn alady
ASTANA. 7 qańtar. QazAqparat - Ártúrli ekrandy gadjetterdi, teledıdardy qosqanda olar adam ómiriniń 30 jyl ýaqytyn alady, dep habarlady Rosbalt.
Brıtanııa ýnıversıtetteri biriniń ǵalymdary osyndaı qorytyndyǵa kelgen.
Zertteýshiler adam kún saıyn ortasha eseppen ekran aldynda 9 saǵat otyratynyn eseptep shyǵardy, bul ıaǵnı aptasyna 63 saǵat nemese bir aıda 274 saǵat (aıyna 11 kúnge jýyq) degen sóz. Al eger adamnyń ortasha ómir súrý uzaqtyǵy 80 jas dep alatyn bolsaq, adam ekran aldynda 262 800 saǵatyn (nemese 10950 kún), ıaǵnı 30 jylyn ótkizedi eken.
Zertteý naq osy Ulybrıtanııa turǵyndary kóp ýaqytyn ekran aldynda, sondaı-aq Internet jelisinde ótkizetin el ekenin kórsetti.
Sondaı-aq búgingi tańda áleýmettik jelilerdi taratý úrdisi baıqalady, sonyń saldarynan balalar ekran aldynda (teledıdar qaraýdy qosa alǵana) eresektermen birdeı ýaqytyn ótkizetin boldy. Bul ártúrli júıke buzylýy aýrýlaryna soqtyrýy múmkin, óıtkeni balalardyń júıkesi tolyq qalyptasyp bolmaǵan, sondyqtan da syrtqy jaǵymsyz áserlerge jeńil beriledi.
