Ekpini kúshti jel taldyqorǵandyq kásipkerdi shyǵynǵa batyrdy
TALDYQORǴAN. QazAqparat - Ótken táýlikte Taldyqorǵan aýmaǵynda qatty jel soqty. Sonyń saldarynan qaladaǵy Qyzyrhan Bóribaı esimdi kásipker birshama zardap shekken, dep habarlaıdy QazAqparat tilshisi.
Ekpini qatty jel onyń jylyjaıyn búldirgen. Naqty aıtqanda jylý saqtap turatyn jamylǵysyn julyp áketken. Saldarynan jaıqalyp ósip turǵan kókónisteri túgeldeı úsip ketipti. 7 jyldan beri qııar, qyzanaq sekildi kókónis túrlerin ósirip, ony satýmen aınalysatyn kásipker qazir san soǵyp otyr. Shaǵyn kásipkerligin damytý maqsatynda alǵan nesıeni qalaı jabamyn dep alańdaýly. Kásipkerdiń aıtýynsha, shyǵyn kólemi 1 mln teńgeden asyp jyǵylady.
Esterińizge sala keteıik, jeltoqsannyń 26-nan 27-ne qaraǵan túni Taldyqorǵanda ekpini kúshti jel soqty. Aǵashtar synyp, eki jerde elektr symdary úzilgen. Keıin qala ákiminiń baspasóz hatshysy Danııar Janys úılerge jaryq qosylǵanyn málim etken bolatyn.
