Ekpindi jel, kóktaıǵaq, tuman: 21 naýryz kúngi aýa raıy boljamy
NUR-SULTAN. QazAqparat – 21 naýryz kúni respýblıkanyń basym bóliginde jańbyr jáne qar túrinde jaýyn-shashyn bolyp, ekpindi jel soǵady. Soltústik-batysta jaıaý burqasyn kútiledi. Elimizdiń keı jerlerinde tuman, kóktaıǵaq, ońtústikte jáne ońtústik-batysta naızaǵaı boljanady, dep habarlaıdy QazAqparat.
«Qazgıdromet» RMK málimetine sáıkes, Shyǵys Qazaqstan oblysynda jeldiń kúshi keı jerlerde 30 m/s jáne odan joǵary artýy múmkin. Joldarda kóktaıǵaq, keı jerlerde tuman kútiledi.
Almaty oblysynyń keı jerlerinde tuman bolady, jeldiń ekpini 23-28 m/s, keı ýaqyttarda 30 m/s jáne odan joǵary kúsheıedi.
Soltústik Qazaqstan oblysynda jeldiń jyldamdyǵy 23-28 m/s jetedi. Keı jerlerde tuman, kóktaıǵaq boljanady.
Aqmola, Qostanaı oblystarynda túnde 23-28 m/s, kúndiz keı jerlerde 15-20 m/s ekpinde jel soǵady. Jekelegen aýmaqtarda tuman, kóktaıǵaq kútiledi.
Qaraǵandy, Pavlodar, Jambyl oblystarynyń keı jerlerinde tuman, kóktaıǵaq bolady, jeldiń kúshi 15-20 m/s artady.
Túrkistan, Mańǵystaý oblystarynyń keı jerlerinde naızaǵaı, tuman kútiledi, Túrkistan oblysynda jel 15-20 m/s kúsheıedi.
Aqtóbe oblysynyń keı jerlerinde tuman, kóktaıǵaq, túnde jaıaý burqasyn boljanady. Jeldiń kúshi - 18 m/s.
Qyzylorda oblysynyń keı jerlerinde tuman, túnde keı jerlerinde kóktaıǵaq kútiledi, kúndiz jeldiń ekpini 15-20 m/s kúsheıedi.
Atyraý oblysynyń keı jerlerinde tuman kútiledi.
Túnde Batys Qazaqstan oblysynyń keı jerlerinde tuman, kóktaıǵaq bolady.
