Ekpindi jel, kóktaıǵaq, tuman: 13 qarasha kúngi aýa raıy boljamy
NUR-SULTAN. QazAqparat – 13 qarasha kúni elimizdiń ońtústik óńirlerinde jaýyn-shashynsyz aýa raıy kútiledi. Respýblıkanyń qalǵan bóliginde jaýyn-shashyn bolady, soltústikte kóbine qar túrinde jaýady. Qazaqstan aýmaǵynyń basym bóliginde tuman, kóktaıǵaq, jeldiń kúsheıýi, jaıaý burqasyn boljanady, dep habarlaıdy QazAqparat Qazgıdrometke silteme jasap.
Atap aıtqanda, Aqmola oblysynyń soltústik-batysynda, ońtústik-shyǵysynda kóktaıǵaq, jaıaý burqasyn, 15-20 m/s ekpinde jel, túnde jáne tańerteń oblystyń ońtústik-shyǵysynda tuman kútiledi.
Kúndiz Soltústik Qazaqstan oblysynyń soltústiginde, batysynda kóktaıǵaq, jaıaý burqasyn, túnde jáne tańerteń batysta tuman boljanady.
Shyǵys Qazaqstan oblysynda túnde taýly aýdandarda, kúndiz soltústik bóliginde jáne ońtústiginde tuman, kóktaıǵaq, jaıaý burqasyn kútiledi, basym bóliginde jel 15-20 m/s kúsheıedi.
Qaraǵandy oblysynyń soltústik-batysynda kóktaıǵaq, jaıaý burqasyn, túnde jáne tańerteń oblystyń ońtústiginde tuman kútiledi, kúndiz oblystyń soltústiginde jel 15-20 m/s kúsheıedi.
Túnde Pavlodar oblysynyń shyǵysynda, kúndiz soltústiginde kóktaıǵaq, tuman bolady. Kúndiz oblystyń ońtústiginde jel 15-20 m/s kúsheıedi.
Batys Qazaqstan oblysynyń soltústiginde, soltústik-batysynda, shyǵysynda kóktaıǵaq, burqasyn bolyp, 15-20 m/s jyldamdyqta jel turady.
Aqtóbe, Qostanaı oblystarynyń soltústiginde kóktaıǵaq, burqasyn kútiledi, Aqtóbe oblysynyń soltústiginde, Qostanaı oblysynyń shyǵysynda jel 15-20 m/s kúsheıedi.
Atyraý oblysynyń soltústiginde, shyǵysynda jeldiń kúshi 15-20 m/s jetedi.
Kúndiz Mańǵystaý oblysynyń soltústiginde 15-20 m/s jyldamdyqta jel bolady.
Kúndiz Qyzylorda oblysynyń soltústik-batysynda jel 15-20 m/s kúsheıedi.
Jambyl oblysynyń taýly aýdandarynda tuman, jeldiń ekpini 15-20 m/s artady.
