Ekpindi jel, burshaq: 5 shilde kúngi aýa raıy boljamy
NUR-SULTAN. QazAqparat - Atmosferalyq fronttardyń ótýine baılanysty 5 shilde kúni respýblıkanyń basym bóliginde qubylmaly kún raıy saqtalady. Jańbyr, naızaǵaı, ekpindi jel, burshaq jáne daýyl kútiledi. Ońtústikte jaýyn-shashynsyz aýa raıy boljanady, dep habarlaıdy QazAqparat.
«Qazgıdromet» sınoptıkteriniń aqparatyna súıensek, Aqmola jáne Soltústik Qazaqstan oblystarynyń keı jerlerinde daýyl turyp, burshaq jaýady, jeldiń kúshi 15-20 m/s kúsheıedi. Soltústik Qazaqstan oblysynda, túnde Aqmola oblystarynyń keı jerlerinde tuman kútiledi.
Atyraý, Batys Qazaqstan, Qostanaı, Pavlodar, Qaraǵanda oblystarynyń kúndiz keı jerlerinde jel 15-20 m/s artady. Atyraý oblysynyń jekelegen aýmaqtarynda daýyl, burshaq boljanady.
Shyǵys Qazaqstan oblysynyń keı jerlerinde jeldiń ekpini 15-20 m/s jetedi. kúndiz burshaq jaýady.
Qyzylorda, Mańǵystaý oblystarynda qatty ystyq kútiledi.
Qyzylorda, Aqtóbe oblysynyń keı jerlerinde, sondaı-aq Qaraǵandy, Túrkistan, Jambyl, Almaty oblystarynyń basym aýmaǵynda joǵary órt qaýpi saqtalady.
