«Ekpindi-Shaıan-Sholaqqorǵan» avtojolyndaǵy kólik apatynan 2 adam kóz jumdy
ASTANA. Qarashanyń 23-i. QazAqparat - «Ekpindi-Shaıan-Sholaqqorǵan» avtojolynyń 4-shi shaqyrymynda «KrAZ» jáne «Folksvagen» kólikteriniń soqtyǵysyp qalýy saldarynan 2 adam qaza tapty,
dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
Qaıǵyly oqıǵa ótken jeksenbi kúni keshke Ońtústik Qazaqstan oblysynda oryn aldy. Apat saldarynan jeńil kóliktiń júrgizýshisi men onyń jolaýshysy oqıǵa ornynda kóz jumdy. Al 3 adam ártúrli jaraqattarmen aýrýhanaǵa jetkizildi.
