Ekpeniń arqasynda 10 jylda dıfterııaǵa shaldyǵý oqıǵasy tirkelmegen

NUR-SULTAN. QazAqparat - Ekpeniń arqasynda sońǵy 10 jylda dıfterııaǵa shaldyǵýdyń birde-bir jaǵdaıy tirkelmeı, sońǵy 20 jylda sary aýrýǵa shaldyǵý jaǵdaıy 40 esege tómendegen. Bul týraly OQK-daǵy baspasóz máslıhatynda QR DSM Qoǵamdyq densaýlyq saqtaý komıtetiniń tóraǵasy - Bas memlekettik sanıtarııalyq dáriger Jandarbek Bekshın aıtty, dep habarlaıdy QazAqparat tilshisi.

«Vaktsınatsııalaýǵa kelsek bizdiń ata-analar tek ǵylymı turǵyda dáleldengen aqparattarǵa qulaq assa deımiz. Internetten alynǵan aqparattarǵa eshqashan súıenýge bolmaıdy! Ǵalamtordaǵy málimetterdiń kóbi rastalmaǵan. Túsiniksiz professorlardy ınternette kezdestirýińiz múmkin. Sondyqtan, ýákiletti organdardyń aqparatymen ata-analar sheshim shyǵarýy kerek», - deıdi Jandarbek Bekshın.

Onyń aıtýyna qaraǵanda, eń birinshi maqsat - halqymyzdy vaktsınatsııaǵa shaqyrý bolyp otyr.

«Ata-analardyń kózqarasyn vaktsınatsııaǵa burý kerek. Tıimdiligin buǵan deıin aıttym: buryn aýylda múgedek jandar kóbirek boldy. Ol polımelıt aýrýyna sáıkes kezdesetin. Qazirgi ýaqytta aýyldarymyzda ondaı jaǵdaılar joq. Ol - eń birinshiden vaktsınatsııanyń arqasy. Mysaly, barlyq turǵyndarǵa belgili - «A» gepatıti, ıaǵnı sary aýrýy boıynsha elimizde 1998 jyly 34 myń jaǵdaı tirkelgen. Qazir bul aýrýdyń tirkelýi - 40 esege azaıdy. Biz tek 2 jastaǵy balalarǵa ekpe jasaımyz - sonyń arqasy. Ótken jyly sary aýrýdyń 880 jaǵdaıy ǵana tirkeldi. Kórdińiz be? Dıfterııa aýrýy sońǵy on jylda tirkelgen emes. Al buryn dıfterııanyń órshýi qandaı boldy!? Mine, sondyqtan vaktsınanyń mańyzdylyǵyn uǵyný kerek», - deıdi Bekshın.

Aıta ketsek, Qazaqstanda ımmýndaý aptalyǵy 2019 jylǵy 24-30 sáýir aralyǵynda ótedi. Immýndaý aptalyǵynyń maqsaty - halyqty vaktsınalardyń tıimdiligi men qaýipsizdigi týraly habardar etý, ımmýndaýǵa senimdi qarym-qatynasty qalyptastyrý, egý sharalarymen tolyq qamtý bolyp otyr.