Ekpeden bas tartqandardy ata-ana quqyǵynan aıyrý týraly zań talqylanyp jatqan joq - Senat
NUR-SULTAN. QazAqparat - 9 naýryz kúni Youtube áleýmettik jelisinde «Qorǵaý HR» Adam quqyqtaryn qorǵaý» qorynyń ókili Gúlmıra Isembıevanyń beıneúndeýi jarııalandy. Osyǵan baılanysty Parlament Senaty jaýap berdi, dep habarlaıdy QazAqparat Senattyń baspasóz qyzmetine silteme jasap.
Gúlmıra Isembıevanyń úndeýinde bylaı delingen:
«QR Parlamenti Senatynda ótetin árbir dóńgelek ústel barysynda ata-ana retinde sóz sóıleımin deýshilerge sóz sóıleý múmkindigi berilmeıdi, mıkrofondar óshiriledi. Bizge sóz sóıleýge ruqsat berilmeıdi. Meniń aıtqym kelgeni, qazirgi ýaqytta medıtsınanyń aralasýynan, kez kelgen medıtsınalyq aralasýdan bas tartqan ata-analardy, bizderdi ata-ana quqyǵynan aıyratyn 152-shi bap Parlamentte qaralyp jatyr, olardyń pikirinshe, bul shara balalardyń densaýlyǵyn saqtaıdy. ıAǵnı, biz ekpe saldyrǵymyz kelmese, onda bizdi ata-ana quqyǵynan aıyra alady. Biz balamyzdy psıhotroptyq dári-dármekpen emdegimiz kelmegen jaǵdaıda (al qazirgi ýaqytta mektepterde pısohodıagnostıka engizile bastady) bizdi taǵy da ata-ana quqyǵynan aıyrýy jáne balamyzdy balalar úıine jiberýi múmkin. Men bul túzetýmen kelispeımin jáne meniń oıymsha kóp ata-analar da bul túzetýmen kelise qoımas».
Senattyń baspasóz qyzmeti bul derekter shyndyqqa janaspaıtynyn resmı túrde habarlaıdy. Qazirgi ýaqytta Senatta beıneúndeýde aıtylǵan máseleler talqylanyp jatqan joq. Tipti, bul máseleler qarastyrylǵan zań jobasy da qaralyp jatqan joq.
Senatqa kelip túsken barlyq zań jobalaryn talqylaýǵa jurtshylyq keńinen qatysady. Árkim sóz alyp, óz pikirin bildire alady.
Jurtshylyqpen tyǵyz qarym-qatynasty qamtamasyz etý maqsatynda Parlamenttiń resmı saıty (senate.parlam.kz) jumys istep keledi. Onda «Keri baılanys», «Usynystardy jınaý», «Zań jobasyn usyný», «Qaralyp otyrǵan zań jobalary» sııaqty aıdarlar bar.
