Ekpe saldyrǵan soń eshqandaı keri áseri bolmady – dáriger
AQTÓBE. QazAqparat – Aqtóbede 600-ge jýyq medıtsına qyzmetkeri ekpe qabyldady. №2 Aqtóbe qalalyq emhanasy bas dárigeriniń orynbasary Marına Esetova qazir ózin jaqsy sezinetinin aıtyp, ózgerlerdi de ımmýndaý jumystaryna qatysýǵa shaqyrdy, dep habarlaıdy QazAqparat tilshisi.
«Aldymen ýchaskelik dáriger qarap, densaýlyǵymdy tekserdi. Ruqsat qujatqa qol qoıǵan soń alǵashqylardyń biri bolyp vaktsına qabyldadym. Alǵashqy 30 mınýtta eshqandaı ózgeristi baıqamadym. Shyn máninde, adam qobaljıdy. Ónim jańa, endi ǵana qoldanysqa endi. Degenmen keri áserin baıqamadym. Alǵashqy úsh kúnde aýyrsyný, dene qyzýynyń kóterilýi sezilmedi», - dedi Marına Esetova.
Dáriger emhanada ózi sekildi 100-den astam medıtsına qyzmetkeriniń ekpe qabyldaǵanyn, olardyń da densaýlyǵy jaqsy ekenin aıtty.
«Vaktsınatsııa – durys sheshim. Koronavırýs ınfektsııasy aǵzany álsiretip, adamnyń kóptegen dene múshesin zaqymdaıdy. Sozylmady aýrýlar asqynady. Osy tusyn eskerip, aýyrmaýdyń jolyń taǵdaǵanymyz jón. Turǵyndardyń 85-90 ekpe qabyldasa, ımmýnıtetimiz myqty bolady. Men turǵyndardy ekpe qabyldaýǵa shaqyramyn. Ózim keri áserin sezbedim.Aqtóbe qalasyndaǵy №2 emhanada 130 medıtsına qyzmetkeri vaktsına qabyldady. Báriniń densaýlyǵy jaqsy», - dedi 2 Aqtóbe qalalyq emhanasy bas dárigeriniń orynbasary Marına Esetova.
