Ekonomıster 2017 jylǵy boljamdaryn jarııa etti
ASTANA. QazAqparat - Ekonomıkalyq zertteýler ınstıtýtynyń sarapshylary Qazaqstannyń 2017 jylǵy ekonomıka ósimine qatysty boljamdary Úkimettiń jasaǵan boljamdarynan joǵary bolyp shyqty, dep xabarlaıdy QazAqparat.
"Bizdiń boljamdarymyz boıynsha, Qazaqstannyń turaqty áleýmettik-ekonomıkalyq damýy úshin qaterler tómendedi. 2017 jyly el ekonomıkasyna ekonomıkalyq belsendilik, xalyq kirisiniń artýy, sonymen qatar taý-ken ónerkásibiniń ósýi qoldaý jasaıdy. Ekonomıkalyq zertteýler ınstıtýty 2017 jyly ekonomıkalyq ósim 2,7 paıyz bolady dep josparlaýda", - dedi ınstıtýt janyndaǵy analıtıkalyq zertteýler ortalyǵynyń dırektory Sara Alpysbaeva búgin Astanada Úshinshi jańǵyrtýǵa qatysty ótken dóńgelek ústelde.
Eske sala keteıik, Qazaqstannyń Ulttyq ekonomıka mınıstrligi JІÓ boljamdy deńgeıin 1,9 paıyzdan 2,5 paıyzǵa deıin kótergen bolatyn.
Sara Alpysbaevanyń aıtýynsha, Qazaqstan úshin eń tómengi boljamdardy Dúnıejúzilik bank jarııa etti, nebári 2,2 paıyz.
"Shıkizat eksporttaýshy memleketterde, sonyń ishinde Qazaqstanda, biz ósim bolatynyn boljap otyrmyz. Degenmen ol bizdiń birshama turaqty ekenimizdi bildirmeıdi. Model odan ózgermeıdi. Biz shıkizatqa táýeldi bolyp qalýdamyz. Menińshe, Prezıdent óziniń Joldaýynda atap ótken úrdister ekonomıka úshin óte mańyzdy, ásirese ınstıtýtsıonaldyq ózgeristerdiń orny erekshe", - dedi óz kezeginde ekonomıst Іlıas Sársenov.
