Ekonomıst O. Qudaıbergenov Almatyda qaza tapqan polıtsııa qyzmetkerleriniń otbasylaryna qarajat jınaýdy usyndy
ASTANA. QazAqparat - Tanymal ekonomıst Oljas Qudaıbergenov Almatyda sodyrlardyń qolynan qaza tapqan polıtsııa qyzmetkerleriniń týǵan-týystaryna qarajat jınaýdy usyndy.
«Bul adamdar óz mindetterin oryndaý barysynda qaza tapty jáne olardyń artynan balalary qaldy. Men memlekettiń olarǵa qandaı kómegin beretinin bilmeımin, basqa da bastamalar kóterilgenin ne kóterilmegeninen de habarsyzbyn, biraq kóz jumǵandardyń otbasylaryna qarajat jınaý bastamasyn jarııa etemin. Biri birjolǵy kómek bere alsa, ekinshisi belgili bir ýaqyt boıy járdemin berýi yqtımal. Árıne, men tek uıymdastyrýshylyq máselelermen aınalysatyn bolamyn. Qoldaý kórsetemin degenderge maǵan jekege jazsa bolady. Erteń kómektiń barlyq jaı-japsarlary týraly jańa habarlandyrý jasaımyz. Otbasylarǵa kómekteseıik!», - dep atap ótti ol óziniń Facebook-taǵy paraqshasynda.
Aıta keteıik, Almatyda sodyrlardyń Almaty qalasy Almaly aýdandy ІІB jáne UQKD bólimshesine jasalǵan shabýylynan úsh polıtseı kóz jumdy.
Polıtsııa kapıtany Nurmahanbetov Baýyrjan Málikuly, ІІD ІІB janyndaǵy JPP ózindik qaýipsizdik qyzmetiniń aǵa ınspektory, 28.03.1988 j.týǵan. 22.12.2011 jyldan ІІB-de qyzmet etedi. Úılengen, bir qyzy bar.
Polıtsııanyń kishi serjanty Sálimbaev Maqsat Qolǵanatuly, ІІD JPQ janyndaǵy JPP polkiniń polıtseıi, 02.11.1991 j. týǵan. 15.11.2013 jyldan ІІB-de qyzmet etedi. Úılengen, bir qyz tárbıelegen.
Polıtsııa starshınasy Ǵalıev Aıan Erbolǵanuly, Almaty q. MKQB MM polıtsııa 2-shi batalonynyń polıtseıi, 18.04.1974 j. týǵan. 30.01.1997 jyldan ІІB-de qyzmet etedi. Úılengen, 2 qyz tárbıelegen.
