Ekonomıst: Grekııanyń Eýroaımaqtan shyǵýy 2008 jylǵydan da aýyr daǵdarys týdyrady
ASTANA. QazAqparat - Grekııadaǵy saılaýda oppozıtsııa jeńiske jetip, eldiń eýro aımaqtan shyǵý týraly sheshim qabyldanǵan jaǵdaıda, qarjy naryǵynda turaqsyzdyq týyp, onyń saldary 2008 jylǵy álemdik daǵdarystan da aýyr túsýi múmkin, dep málimdedi Berklı kalıfornııalyq ýnıversıtetiniń ekonomıka jáne saıası ǵylymdarynyń professory, ekonomıst Barrı Eıhengrın Marketwatch basylymyna.
"Grekııanyń eýro aımaqtan shyǵýy kóptegen elderge áser etedi, ınvestorlyq ortada eýropalyq valıýtalyq odaqtan kelesi qaı el shyǵady degen áńgimeler týyndaıdy. Bul Lehman Brothers bankinde bolǵan jaǵdaıdan eki ese qaýipti", - dep esepteıdi Eıhengrın.
Ekonomıst boljamynsha, evropalyq saıasatkerler Grekııany múshelikte saqtap qalý úshin qolynan keletin múmkindikterdiń barlyǵyn paıdalanady.
"Eger eýro aımaqty saqtap qalý áreketteri shyǵyndy, asa aýyr bolsa, onda eýropalyq valıýtalyq bloktyń ydyraýy odan da kóp shyǵyn ákelip, odan da aýyr qıyndyqtar týdyrady", - dedi Eıhengrın.
